قازاقستان پرەزيدەنتٸ پارلامەنت مەجٸلٸسٸنٸڭ پلەنارلىق وتىرىسىنا قاتىستى, دەپ حابارلايدى "ۇلت اقپارات".
قاسىم-جومارت توقاەۆ پارلامەنت مەجٸلٸسٸنٸڭ پلەنارلىق وتىرىسىنىڭ الدىندا فراكتسييالاردىڭ جەتەكشٸلەرٸمەن كەزدەستٸ.
قازاقستان پرەزيدەنتٸ كونستيتۋتسييادا بەكٸتٸلگەن تەرتٸپكە سەيكەس پرەمەر-مينيستردٸڭ لاۋازىمىنا ۇسىنىلاتىن كانديداتۋرانى دەپۋتاتتىق فراكتسييا جەتەكشٸلەرٸمەن اقىلداستى.
مەملەكەت باسشىسى پارلامەنت مەجٸلٸسٸنٸڭ وتىرىسىندا ەلٸمٸزدٸڭ ەلەۋمەتتٸك-ەكونوميكالىق دامۋىن قورىتىندىلاپ, اتقارۋشى بيلٸك تارماعىنىڭ پاندەمييا سالدارىنان بولعان جاھاندىق داعدارىس جاعدايىنداعى ٸس-ەرەكەتٸنە باعا بەردٸ.
– ٷكٸمەت داعدارىسقا قارسى جوسپاردى تيٸمدٸ جٷزەگە اسىردى. سونىڭ ارقاسىندا جۇمىسسىزدىقتىڭ كٶبەيۋٸنە, حالىق تابىسىنىڭ جاپپاي تٶمەندەۋٸنە جول بەرٸلمەدٸ. بۇل شارالار تيٸمدٸ بولدى, – دەدٸ قاسىم-جومارت توقاەۆ.
سونىمەن قاتار مەملەكەت باسشىسى ەلٸمٸزدەگٸ نەگٸزگٸ ماكروەكونوميكالىق كٶرسەتكٸشتەردٸڭ تۇراقتى جەنە قارجى جٷيەسٸنٸڭ ورنىقتى ەكەنٸن اتاپ ٶتتٸ.
قازاقستان پرەزيدەنتٸ ٷكٸمەت پەن مەجٸلٸستٸڭ جاڭا قۇرامى ەكونوميكانىڭ ۇزاق مەرزٸمدٸ ٶسٸمٸن قامتاماسىز ەتۋگە جەنە حالىقتىڭ ەل-اۋقاتىن جاقسارتۋعا باسا كٶڭٸل بٶلۋٸ تيٸس ەكەنٸن ايتتى.
قاسىم-جومارت توقاەۆ جاڭا ٷكٸمەتتٸڭ تيٸمدٸ جەنە ٷزدٸكسٸز جۇمىس ٸستەۋٸن قامتاماسىز ەتۋ ماقساتىندا ەل كونستيتۋتسيياسىنىڭ 44-بابىنا سەيكەس, قازاقستان رەسپۋبليكاسىنىڭ پرەمەر-مينيسترٸ لاۋازىمىنا تاعايىنداۋعا كەلٸسٸم بەرۋٸ ٷشٸن اسقار ماميننٸڭ كانديداتۋراسىن پارلامەنت مەجٸلٸسٸنٸڭ قاراۋىنا ۇسىندى.
مەملەكەت باسشىسى ٶزٸنٸڭ شەشٸمٸن تٷسٸندٸرە كەلە, اسقار ماميننٸڭ بٸلٸكتٸ ەرٸ تەجٸريبەلٸ, ەڭبەكقور, تالاپشىل جەنە پاراساتتى مەملەكەتتٸك قىزمەتشٸ ەكەنٸن اتاپ ٶتتٸ.
– ول الدىمىزدا تۇرعان ماقسات-مٸندەتتەردٸ جاقسى تٷسٸنەدٸ. ونىڭ ٷكٸمەتتەگٸ نەتيجەلٸ جۇمىسى – سونىڭ ايقىن دەلەلٸ, – دەدٸ پرەزيدەنت.
جيىن سوڭىندا قاسىم-جومارت توقاەۆ مەجٸلٸس دەپۋتاتتارىنا ٶزٸ ۇسىنعان كانديداتۋرانى قولداعانى ٷشٸن ريزاشىلىعىن بٸلدٸرٸپ, اسقار ماميندٸ جاۋاپتى لاۋازىمعا تاعايىندالۋىمەن قۇتتىقتادى.
