Qasym-Jomart Toqaev UQShU Ujymdyq qaýipsizdik keńesiniń sessiiasyna qatysty, dep habarlaidy "Ult aqparat" Aqordaǵa silteme jasap.
Memleket basshysy Erevanda ótken Ujymdyq qaýipsizdik týraly shart uiymy Ujymdyq qaýipsizdik keńesiniń otyrysyna qatysty. Armeniia Premer-ministri Nikol Pashiniannyń tóraǵalyǵymen ótken sammitke Belarýs Prezidenti Aleksandr Lýkashenko, Qyrǵyzstan Prezidenti Sadyr Japarov, Resei Prezidenti Vladimir Pýtin jáne Tájikstan Prezidenti Emomali Rahmon qatysty.
Qasym-Jomart Toqaev, eń aldymen, kezekten tys ótken Prezident sailaýyndaǵy jeńisimen quttyqtaǵan jiynǵa qatysýshylarǵa alǵys aitty.
– Qazaqstannyń aimaqtaǵy odaqtastarymen jáne seriktesterimen aradaǵy dostyqty, tatý kórshilikti jáne ózara tiimdi yntymaqtastyqty jan-jaqty nyǵaitý jónindegi strategiialyq baǵyty ózgermeitinin atap ótkim keledi. Biz aldaǵy ýaqytta da sizderdiń memleketterińizben ekijaqty jáne kópjaqty formattaǵy qarym-qatynastardyń joǵary deńgeiin saqtaýǵa kúsh salamyz, – dedi Prezident.
Memleket basshysy UQShU aiasyndaǵy yntymaqtastyqtyń túrli baǵytyna qatysty elimizdiń ustanymyn jetkizdi. Uiymǵa múshe elder basshylarynyń qorytyndy kezdesýi kúrdeli geosaiasi qaishylyqtar men buryn-sońdy bolmaǵan syn-qaterler jaǵdaiynda ótip jatqanyn aitty.
– Halyqaralyq isterde kúsheie túsken turaqsyzdyq UQShU keńistigin de ainalyp ótken joq. Bizdiń aimaqta búkil Eýraziia keńistigindegi turaqtylyqqa, qaýipsizdikke nuqsan keltiretin janjaldar áli de jalǵasyp jatyr. Mundai jaǵdaida ashyq, shynaiy, konstrýktivti dialogty saqtaý jáne damytý óte mańyzdy. Bul – kúrdeli daǵdarystar men qaishylyqtardan shyǵýdyń tiimdi ári ońtaily joly, – dedi Qasym-Jomart Toqaev.
Osy rette Prezident armian-ázerbaijan qaqtyǵysyn diplomatiialyq jolmen retteýge baǵyttalǵan sharalardy qoldady.
– Armeniia men Ázerbaijan arasyndaǵy qarym-qatynastyń qalpyna kelýine bárimiz de múddelimiz. Resei tarapynyń bitimgerlik áreketteri armian-ázerbaijan qaqtyǵysyn tek saiasi-diplomatiialyq jolmen sheshýge jáne eki jaqtyń beibit kelisimge qol qoiýyna múmkindik beredi dep úmittenemiz, – dedi Memleket basshysy.
Qasym-Jomart Toqaev Aýǵanstandaǵy jaǵdaiǵa arnaiy toqtaldy.
– Bul memlekettegi jaǵdaidy retteý joldaryn qarastyrý – UQShU-nyń ońtústik shekaralaryndaǵy qaýipsizdikti qamtamasyz etýdiń negizgi faktorlarynyń biri. Qazaqstan osy eldiń ózekti áleýmettik-ekonomikalyq máselelerin sheshý úshin Aýǵanstan basshylyǵymen ózara yntymaqtastyqty jalǵastyrýǵa nietti. Biz Aýǵanstanǵa gýmanitarlyq kómek kórsetip kelemiz, – dedi Prezident.
Qasym-Jomart Toqaev Ýkraina tóńiregindegi janjaldy sheshýdiń beibit joldaryn izdeýge shaqyrdy.
– Ýkraina máselesine keler bolsaq, beibitshilik formýlasyn birlese qarastyratyn ýaqyt keldi dep oilaimyn. Kez kelgen soǵys beibit kelissózben aiaqtalady. Bitimge kelýdiń kez kelgen múmkindigin paidalaný kerek. Ystanbuldaǵy kelissóz raýndy úmit syilaǵan edi, biraq túrli sebeptermen kelisim iske aspady. Ondaǵan, júzdegen jyldarǵa sozylatyn ókpe-renishten baýyrlas orys jáne ýkrain halyqtary arasynyń alshaqtaýyna jol bermeý kerek, – dedi Prezident.
Memleket basshysy uiym aiasyndaǵy is-áreketti odan ári damytýǵa bailanysty birqatar usynys aitty. Sonyń ishinde UQShU-nyń bitimgerlik áleýetin damytý máselesin jýyq aradaǵy basymdyq retinde atap ótti.
Qasym-Jomart Toqaev sózin qorytyndylai kele armian tarapyna jáne Nikol Pashinianǵa UQShU tóraǵasy retindegi tabysty jumysy úshin alǵys aityp, Belarýs Prezidenti Aleksandr Lýkashenkonyń 2023 jyly atqaratyn tóraǵalyǵyna sáttilik tiledi.
Sessiia qorytyndysy boiynsha birqatar qujat qabyldandy.
Josparlanǵan rotatsiia aiasynda memleketter basshylary Qazaqstan ókili Imanǵali Tasmaǵambetovti 2023 jyldyń 1 qańtarynan bastap úsh jyl merzimge UQShU Bas hatshysy qyzmetine taǵaiyndaý týraly sheshim qabyldady.
