قاسىم-جومارت توقاەۆ ۇقشۇ ۇجىمدىق قاۋٸپسٸزدٸك كەڭەسٸنٸڭ سەسسيياسىنا قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى ەرەۆاندا ٶتكەن ۇجىمدىق قاۋٸپسٸزدٸك تۋرالى شارت ۇيىمى ۇجىمدىق قاۋٸپسٸزدٸك كەڭەسٸنٸڭ وتىرىسىنا قاتىستى. ارمەنييا پرەمەر-مينيسترٸ نيكول پاشينياننىڭ تٶراعالىعىمەن ٶتكەن سامميتكە بەلارۋس پرەزيدەنتٸ الەكساندر لۋكاشەنكو, قىرعىزستان پرەزيدەنتٸ سادىر جاپاروۆ, رەسەي پرەزيدەنتٸ ۆلاديمير پۋتين جەنە تەجٸكستان پرەزيدەنتٸ ەمومالي راحمون قاتىستى.
قاسىم-جومارت توقاەۆ, ەڭ الدىمەن, كەزەكتەن تىس ٶتكەن پرەزيدەنت سايلاۋىنداعى جەڭٸسٸمەن قۇتتىقتاعان جيىنعا قاتىسۋشىلارعا العىس ايتتى.
– قازاقستاننىڭ ايماقتاعى وداقتاستارىمەن جەنە سەرٸكتەستەرٸمەن اراداعى دوستىقتى, تاتۋ كٶرشٸلٸكتٸ جەنە ٶزارا تيٸمدٸ ىنتىماقتاستىقتى جان-جاقتى نىعايتۋ جٶنٸندەگٸ ستراتەگييالىق باعىتى ٶزگەرمەيتٸنٸن اتاپ ٶتكٸم كەلەدٸ. بٸز الداعى ۋاقىتتا دا سٸزدەردٸڭ مەملەكەتتەرٸڭٸزبەن ەكٸجاقتى جەنە كٶپجاقتى فورماتتاعى قارىم-قاتىناستاردىڭ جوعارى دەڭگەيٸن ساقتاۋعا كٷش سالامىز, – دەدٸ پرەزيدەنت.
مەملەكەت باسشىسى ۇقشۇ اياسىنداعى ىنتىماقتاستىقتىڭ تٷرلٸ باعىتىنا قاتىستى ەلٸمٸزدٸڭ ۇستانىمىن جەتكٸزدٸ. ۇيىمعا مٷشە ەلدەر باسشىلارىنىڭ قورىتىندى كەزدەسۋٸ كٷردەلٸ گەوساياسي قايشىلىقتار مەن بۇرىن-سوڭدى بولماعان سىن-قاتەرلەر جاعدايىندا ٶتٸپ جاتقانىن ايتتى.
– حالىقارالىق ٸستەردە كٷشەيە تٷسكەن تۇراقسىزدىق ۇقشۇ كەڭٸستٸگٸن دە اينالىپ ٶتكەن جوق. بٸزدٸڭ ايماقتا بٷكٸل ەۋرازييا كەڭٸستٸگٸندەگٸ تۇراقتىلىققا, قاۋٸپسٸزدٸككە نۇقسان كەلتٸرەتٸن جانجالدار ەلٸ دە جالعاسىپ جاتىر. مۇنداي جاعدايدا اشىق, شىنايى, كونسترۋكتيۆتٸ ديالوگتى ساقتاۋ جەنە دامىتۋ ٶتە ماڭىزدى. بۇل – كٷردەلٸ داعدارىستار مەن قايشىلىقتاردان شىعۋدىڭ تيٸمدٸ ەرٸ وڭتايلى جولى, – دەدٸ قاسىم-جومارت توقاەۆ.
وسى رەتتە پرەزيدەنت ارميان-ەزەربايجان قاقتىعىسىن ديپلوماتييالىق جولمەن رەتتەۋگە باعىتتالعان شارالاردى قولدادى.
– ارمەنييا مەن ەزەربايجان اراسىنداعى قارىم-قاتىناستىڭ قالپىنا كەلۋٸنە بەرٸمٸز دە مٷددەلٸمٸز. رەسەي تاراپىنىڭ بٸتٸمگەرلٸك ەرەكەتتەرٸ ارميان-ەزەربايجان قاقتىعىسىن تەك ساياسي-ديپلوماتييالىق جولمەن شەشۋگە جەنە ەكٸ جاقتىڭ بەيبٸت كەلٸسٸمگە قول قويۋىنا مٷمكٸندٸك بەرەدٸ دەپ ٷمٸتتەنەمٸز, – دەدٸ مەملەكەت باسشىسى.
قاسىم-جومارت توقاەۆ اۋعانستانداعى جاعدايعا ارنايى توقتالدى.
– بۇل مەملەكەتتەگٸ جاعدايدى رەتتەۋ جولدارىن قاراستىرۋ – ۇقشۇ-نىڭ وڭتٷستٸك شەكارالارىنداعى قاۋٸپسٸزدٸكتٸ قامتاماسىز ەتۋدٸڭ نەگٸزگٸ فاكتورلارىنىڭ بٸرٸ. قازاقستان وسى ەلدٸڭ ٶزەكتٸ ەلەۋمەتتٸك-ەكونوميكالىق مەسەلەلەرٸن شەشۋ ٷشٸن اۋعانستان باسشىلىعىمەن ٶزارا ىنتىماقتاستىقتى جالعاستىرۋعا نيەتتٸ. بٸز اۋعانستانعا گۋمانيتارلىق كٶمەك كٶرسەتٸپ كەلەمٸز, – دەدٸ پرەزيدەنت.
قاسىم-جومارت توقاەۆ ۋكراينا تٶڭٸرەگٸندەگٸ جانجالدى شەشۋدٸڭ بەيبٸت جولدارىن ٸزدەۋگە شاقىردى.
– ۋكراينا مەسەلەسٸنە كەلەر بولساق, بەيبٸتشٸلٸك فورمۋلاسىن بٸرلەسە قاراستىراتىن ۋاقىت كەلدٸ دەپ ويلايمىن. كەز كەلگەن سوعىس بەيبٸت كەلٸسسٶزبەن اياقتالادى. بٸتٸمگە كەلۋدٸڭ كەز كەلگەن مٷمكٸندٸگٸن پايدالانۋ كەرەك. ىستانبۇلداعى كەلٸسسٶز راۋندى ٷمٸت سىيلاعان ەدٸ, بٸراق تٷرلٸ سەبەپتەرمەن كەلٸسٸم ٸسكە اسپادى. ونداعان, جٷزدەگەن جىلدارعا سوزىلاتىن ٶكپە-رەنٸشتەن باۋىرلاس ورىس جەنە ۋكراين حالىقتارى اراسىنىڭ الشاقتاۋىنا جول بەرمەۋ كەرەك, – دەدٸ پرەزيدەنت.
مەملەكەت باسشىسى ۇيىم اياسىنداعى ٸس-ەرەكەتتٸ ودان ەرٸ دامىتۋعا بايلانىستى بٸرقاتار ۇسىنىس ايتتى. سونىڭ ٸشٸندە ۇقشۇ-نىڭ بٸتٸمگەرلٸك ەلەۋەتٸن دامىتۋ مەسەلەسٸن جۋىق اراداعى باسىمدىق رەتٸندە اتاپ ٶتتٸ.
قاسىم-جومارت توقاەۆ سٶزٸن قورىتىندىلاي كەلە ارميان تاراپىنا جەنە نيكول پاشينيانعا ۇقشۇ تٶراعاسى رەتٸندەگٸ تابىستى جۇمىسى ٷشٸن العىس ايتىپ, بەلارۋس پرەزيدەنتٸ الەكساندر لۋكاشەنكونىڭ 2023 جىلى اتقاراتىن تٶراعالىعىنا سەتتٸلٸك تٸلەدٸ.
سەسسييا قورىتىندىسى بويىنشا بٸرقاتار قۇجات قابىلداندى.
جوسپارلانعان روتاتسييا اياسىندا مەملەكەتتەر باسشىلارى قازاقستان ٶكٸلٸ يمانعالي تاسماعامبەتوۆتٸ 2023 جىلدىڭ 1 قاڭتارىنان باستاپ ٷش جىل مەرزٸمگە ۇقشۇ باس حاتشىسى قىزمەتٸنە تاعايىنداۋ تۋرالى شەشٸم قابىلدادى.
