Memleket basshysy Qasym-Jomart Toqaev Qazan qalasyndaǵy gimnaziiada reseilik oqýshylardyń qaza tabýyna bailanysty Resei Federatsiiasynyń Prezidenti Vladimir Pýtinge kóńil aitty. Bul týraly Aqorda habarlady.
«Osynaý qiyn-qystaý sátte balalary qaitys bolǵan otbasylardyń aýyr qaiǵysyna ortaqtasyp, kóńil aitamyn», – delingen jedelhatta.
Buǵan deiin qaiǵyly oqiǵaǵa bailanysty Resei basshysyna kóńil aitý jedelhatyn QR Tuńǵysh Prezidenti Nursultan Nazarbaev joldady.
Eske sala keteiik, búgin, 11 mamyrda Reseidiń Qazan qalasyndaǵy №175 mektep-gimnaziiada belgisiz eki adam oq jaýdyrǵan bolatyn.
Oqiǵa saldarynan 9 adam qaza taýyp, 21 adam aýrýhanalarǵa jetkizilgen edi. Bul týraly el prezidenti Rýstam Minnihanov habarlady.
Tatarstanda 12 mamyr Aza tutý kúni bolyp jariialandy.
