Memleket basshysy Qasym-Jomart Toqaev Izrail Prezidenti Reýven Rivlinmen telefon arqyly sóilesti, dep habarlaidy "Ult aqparat" Aqordanyń resmi saityna silteme jasap.
Izrail tarapynyń bastamasymen Memleket basshysy Qasym-Jomart Toqaev Izrail memleketiniń Prezidenti Reýven Rivlinmen telefon arqyly sóilesti.
Áńgime barysynda Izrail saiasatkeri koronavirýs indetiniń taralýyna qarsy kúreste Qazaqstan halqy men Úkimetine qoldaý kórsetetinin aitty.
Onyń aitýynsha, Izrail Qazaqstan Prezidentiniń COVID-19 virýsynyń odan ári taralýyna jol bermeý, shaǵyn jáne orta biznesti qoldaý, sondai-aq, halyq aldyndaǵy áleýmettik mindettemelerdi oryndaý jónindegi naqty is-qimyldary men sheshimderin muqiiat baqylap otyr. Reýven Rivlinniń pikirinshe, Qazaqstan daǵdarysqa qarsy barlyq sharalardy der kezinde qabyldady jáne onyń bári pandemiia jaǵdaiynda eldiń qaýipsizdigin qamtamasyz etýge baǵyttalǵan.
Izrail Prezidenti qazirgi ýaqytta búkil álem milliondaǵan adamnyń jappai indet juqtyrýyn boldyrmaý úshin qatań qadamdarǵa baryp, tipti, oqshaýlaýǵa jáne tótenshe jaǵdai jariialaýǵa májbúr bolyp otyrǵanyn aitty.
Qasym-Jomart Toqaev koronavirýs indetiniń Ekinshi Dúniejúzilik soǵystan keiingi adamzatqa tóngen asa qaýipti qater ekenin atap ótti.
- Búginde búkil álem pandemiiamen onyń saldaryna tiisti jaýap berý maqsatynda kúsh biriktirip, jumylýy qajet. Osyǵan orai Qazaqstan atalǵan qaterge qarsy turý úshin óńirlik jáne halyqaralyq deńgeidegi yntymaqtastyqty jalǵastyrýǵa nietti, - dedi Memleket basshysy.
Reýven Rivlin ekijaqty qarym-qatynastardy talqylai otyryp, Qazaqstanmen saiasi, ekonomikalyq jáne mádeni-gýmanitarlyq yntymaqtastyqty odan ári nyǵaitýǵa qyzyǵýshylyq bildirdi. Osyǵan bailanysty ol Qazaqstan Prezidentin 2020 jyly kúzde Izrailge sapar jasaýǵa shaqyrdy.
Qazaqstan Prezidenti shaqyrýdy iltipatpen qabyl aldy jáne jahandyq pandemiianyń saldaryn joiǵannan keiin Izrailmen aradaǵy ekijaqty bailanystardyń damý qarqyny tolyq qalpyna keletinine senim bildirdi.
