مەملەكەت باسشىسى قاسىم-جومارت توقاەۆ يزرايل پرەزيدەنتٸ رەۋۆەن ريۆلينمەن تەلەفون ارقىلى سٶيلەستٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
يزرايل تاراپىنىڭ باستاماسىمەن مەملەكەت باسشىسى قاسىم-جومارت توقاەۆ يزرايل مەملەكەتٸنٸڭ پرەزيدەنتٸ رەۋۆەن ريۆلينمەن تەلەفون ارقىلى سٶيلەستٸ.
ەڭگٸمە بارىسىندا يزرايل ساياساتكەرٸ كوروناۆيرۋس ٸندەتٸنٸڭ تارالۋىنا قارسى كٷرەستە قازاقستان حالقى مەن ٷكٸمەتٸنە قولداۋ كٶرسەتەتٸنٸن ايتتى.
ونىڭ ايتۋىنشا, يزرايل قازاقستان پرەزيدەنتٸنٸڭ COVID-19 ۆيرۋسىنىڭ ودان ەرٸ تارالۋىنا جول بەرمەۋ, شاعىن جەنە ورتا بيزنەستٸ قولداۋ, سونداي-اق, حالىق الدىنداعى ەلەۋمەتتٸك مٸندەتتەمەلەردٸ ورىنداۋ جٶنٸندەگٸ ناقتى ٸس-قيمىلدارى مەن شەشٸمدەرٸن مۇقييات باقىلاپ وتىر. رەۋۆەن ريۆليننٸڭ پٸكٸرٸنشە, قازاقستان داعدارىسقا قارسى بارلىق شارالاردى دەر كەزٸندە قابىلدادى جەنە ونىڭ بەرٸ پاندەمييا جاعدايىندا ەلدٸڭ قاۋٸپسٸزدٸگٸن قامتاماسىز ەتۋگە باعىتتالعان.
يزرايل پرەزيدەنتٸ قازٸرگٸ ۋاقىتتا بٷكٸل ەلەم ميلليونداعان ادامنىڭ جاپپاي ٸندەت جۇقتىرۋىن بولدىرماۋ ٷشٸن قاتاڭ قادامدارعا بارىپ, تٸپتٸ, وقشاۋلاۋعا جەنە تٶتەنشە جاعداي جارييالاۋعا مەجبٷر بولىپ وتىرعانىن ايتتى.
قاسىم-جومارت توقاەۆ كوروناۆيرۋس ٸندەتٸنٸڭ ەكٸنشٸ دٷنيەجٷزٸلٸك سوعىستان كەيٸنگٸ ادامزاتقا تٶنگەن اسا قاۋٸپتٸ قاتەر ەكەنٸن اتاپ ٶتتٸ.
- بٷگٸندە بٷكٸل ەلەم پاندەمييامەن ونىڭ سالدارىنا تيٸستٸ جاۋاپ بەرۋ ماقساتىندا كٷش بٸرٸكتٸرٸپ, جۇمىلۋى قاجەت. وسىعان وراي قازاقستان اتالعان قاتەرگە قارسى تۇرۋ ٷشٸن ٶڭٸرلٸك جەنە حالىقارالىق دەڭگەيدەگٸ ىنتىماقتاستىقتى جالعاستىرۋعا نيەتتٸ, - دەدٸ مەملەكەت باسشىسى.
رەۋۆەن ريۆلين ەكٸجاقتى قارىم-قاتىناستاردى تالقىلاي وتىرىپ, قازاقستانمەن ساياسي, ەكونوميكالىق جەنە مەدەني-گۋمانيتارلىق ىنتىماقتاستىقتى ودان ەرٸ نىعايتۋعا قىزىعۋشىلىق بٸلدٸردٸ. وسىعان بايلانىستى ول قازاقستان پرەزيدەنتٸن 2020 جىلى كٷزدە يزرايلگە ساپار جاساۋعا شاقىردى.
قازاقستان پرەزيدەنتٸ شاقىرۋدى ٸلتيپاتپەن قابىل الدى جەنە جاھاندىق پاندەمييانىڭ سالدارىن جويعاننان كەيٸن يزرايلمەن اراداعى ەكٸجاقتى بايلانىستاردىڭ دامۋ قارقىنى تولىق قالپىنا كەلەتٸنٸنە سەنٸم بٸلدٸردٸ.
