Qazaqstan Prezidenti Eýraziialyq ekonomikalyq komissiia Alqasynyń tóraǵasy Mihail Miasnikovichti qabyldady, dep habarlaidy Aqorda.
Taraptar Eýraziialyq ekonomikalyq odaqtyń qazirgi jaǵdaiy men onyń damý perspektivalary jaiynda, onyń ishinde Qazaqstanmen odaq arasyndaǵy yqpaldastyq týraly sóilesti.
Qasym-Jomart Toqaev Mihail Miasnikovichti jańa qyzmetimen quttyqtap, ol jetekshilik etetin Komissiia eýraziialyq integratsiiany odan ári tereńdetýde úlken úles qosatynyna senim bildirdi.
– Eýraziialyq ekonomikalyq odaq sheńberindegi mańyzdy organ sanalatyn uiymnyń jumysyn jetildirýde Belarýs Úkimeti men Parlamentiniń jetekshisi, Ǵylym akademiiasynyń prezidenti bolǵan mol tájiribeńizdi, bilimińiz ben quzyretińizdi paidalanatynyńyzǵa esh kúmándanbaimyz, – dedi Qazaqstan Prezidenti.
Qasym-Jomart Toqaev Qazaqstannyń Tuńǵysh Prezidenti – Elbasy Nursultan Nazarbaevtyń usynysymen Eýraziialyq ekonomikalyq odaq qurý jónindegi Kelisimniń osydan 5 jyl buryn Elordada júzege asqanyn atap ótti.
– Odaq óz damýynda úlken joldy artta qaldyrdy. Árine, ony dańǵyl jol dei almaimyz. Sondyqtan jetistik te, kemshilik te bolady. Degenmen Eýraziialyq ekonomikalyq odaq óz mindetin aqtady dep esepteimiz. Odaqqa múshe memleketterdiń erik-jigerine qarai atalǵan uiym aldaǵy ýaqytta da dami beredi, – dedi Memleket basshysy.
Mihail Miasnikovich óziniń kandidatýrasy Eýraziialyq ekonomikalyq komissiiasy tóraǵalyǵyna usynylǵanda Prezidenttiń kórsetken qoldaýy men senimine alǵys aitty. Sondai-aq osy qyzmette atqaratyn jumysynyń josparymen bólisti.
