Áýejai mańynda qustardyń kóp bolýy ushaqtardyń qaýipsizdigine qater tóndirýi múmkin. Osyǵan bailanysty Qazaqstannyń aviatsiialyq ákimshiligi Air Astana ókilderimen kezdesip, áýe kemeleriniń qustarmen soqtyǵysý qaýpin azaitý máselesin talqylady, dep habarlaidy ult.kz.
Kezdesýde Air Astana kompaniiasy ushaqtardyń qustarmen soqtyǵysýyna qatysty statistikany usynyp, kúndelikti jumysta kezdesetin negizgi problemalardy atady.
Taraptar mundai oqiǵalardyń aldyn alý úshin táýekelderdi baǵalaý tásilderin jetildirý, derekterdi jinaý jáne oqiǵalar týraly aqparat berýdiń biryńǵai formatyn ázirleý qajettigin sóz etti.
Sondai-aq qustardan týyndaityn qaýipterdi basqarý jónindegi Ulttyq komitettiń aldaǵy otyrysyna daiyndyq máseleleri qaraldy.
Kezdesý qorytyndysynda aviatsiialyq ákimshilik, áýe kompaniialary men áýejailar birlesip jumys isteýi kerek ekeni aityldy. Negizgi maqsat – qustarmen soqtyǵysý qaýpin azaityp, Qazaqstandaǵy ushý qaýipsizdigin arttyrý.
