قازاقستان پرەزيدەنتٸ ەۋرازييالىق ەكونوميكالىق كوميسسييا القاسىنىڭ تٶراعاسى ميحايل مياسنيكوۆيچتٸ قابىلدادى, دەپ حابارلايدى اقوردا.
تاراپتار ەۋرازييالىق ەكونوميكالىق وداقتىڭ قازٸرگٸ جاعدايى مەن ونىڭ دامۋ پەرسپەكتيۆالارى جايىندا, ونىڭ ٸشٸندە قازاقستانمەن وداق اراسىنداعى ىقپالداستىق تۋرالى سٶيلەستٸ.
قاسىم-جومارت توقاەۆ ميحايل مياسنيكوۆيچتٸ جاڭا قىزمەتٸمەن قۇتتىقتاپ, ول جەتەكشٸلٸك ەتەتٸن كوميسسييا ەۋرازييالىق ينتەگراتسييانى ودان ەرٸ تەرەڭدەتۋدە ٷلكەن ٷلەس قوساتىنىنا سەنٸم بٸلدٸردٸ.
– ەۋرازييالىق ەكونوميكالىق وداق شەڭبەرٸندەگٸ ماڭىزدى ورگان سانالاتىن ۇيىمنىڭ جۇمىسىن جەتٸلدٸرۋدە بەلارۋس ٷكٸمەتٸ مەن پارلامەنتٸنٸڭ جەتەكشٸسٸ, عىلىم اكادەميياسىنىڭ پرەزيدەنتٸ بولعان مول تەجٸريبەڭٸزدٸ, بٸلٸمٸڭٸز بەن قۇزىرەتٸڭٸزدٸ پايدالاناتىنىڭىزعا ەش كٷمەندانبايمىز, – دەدٸ قازاقستان پرەزيدەنتٸ.
قاسىم-جومارت توقاەۆ قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ ۇسىنىسىمەن ەۋرازييالىق ەكونوميكالىق وداق قۇرۋ جٶنٸندەگٸ كەلٸسٸمنٸڭ وسىدان 5 جىل بۇرىن ەلوردادا جٷزەگە اسقانىن اتاپ ٶتتٸ.
– وداق ٶز دامۋىندا ٷلكەن جولدى ارتتا قالدىردى. ەرينە, ونى داڭعىل جول دەي المايمىز. سوندىقتان جەتٸستٸك تە, كەمشٸلٸك تە بولادى. دەگەنمەن ەۋرازييالىق ەكونوميكالىق وداق ٶز مٸندەتٸن اقتادى دەپ ەسەپتەيمٸز. وداققا مٷشە مەملەكەتتەردٸڭ ەرٸك-جٸگەرٸنە قاراي اتالعان ۇيىم الداعى ۋاقىتتا دا دامي بەرەدٸ, – دەدٸ مەملەكەت باسشىسى.
ميحايل مياسنيكوۆيچ ٶزٸنٸڭ كانديداتۋراسى ەۋرازييالىق ەكونوميكالىق كوميسسيياسى تٶراعالىعىنا ۇسىنىلعاندا پرەزيدەنتتٸڭ كٶرسەتكەن قولداۋى مەن سەنٸمٸنە العىس ايتتى. سونداي-اق وسى قىزمەتتە اتقاراتىن جۇمىسىنىڭ جوسپارىمەن بٶلٸستٸ.
