Foto: Azattyq radiosy
Memleket basshysy Qasym-Jomart Toqaev Twitter-degi paraqshasynda taǵy da málimdeme jasady, dep habarlaidy "Ult aqparat".
«Quramynda Prezident Ákimshiliginiń qyzmetkerleri bar úkimettik komissiia Aqtaýda jumysqa kiristi. Respýblikalyq operativtik shtab turaqty negizde jumys istep jatyr. Komissiiaǵa elimizdegi turaqtylyqty saqtai otyryp, týyndaǵan másele boiynsha ózara tiimdi sheshim shyǵarý júkteldi.
Quqyq qorǵaý organdaryna qoǵamdyq tártiptiń buzylýyna jol bermeý jóninde tapsyrma berildi. Demonstranttar jaýapkershilik tanytyp, dialogqa daiyn bolýǵa tiis», - dedi Prezident.
Eske salaiyq, Jańaózen men Aqtaýdyń myńdaǵan turǵyny jańa jyldan keiin baǵasy kúrt sharyqtap ketken suiytylǵan gaz baǵasyn túsirýdi talap etip, kóshege shyqqan bolatyn. Olar joldardy jaýyp tastaǵan.
Qazaqstan Prezidenti Qasym-Jomart Toqaev jaǵdaiǵa bailanysty Úkimetke tiisti tapsyrma berdi. Óńirdegi janar-jaǵarmai quiý beketteriniń qojaiyndary óz bastamasymen gaz litrin 120 teńgeden 85-90 teńgege deiin arzandatý týraly sheshim shyǵarǵan.
Mańǵystaý oblysynyń ákimi Nurlan Noǵaev Jańaózen qalasynda gaz baǵasyn tómendetýdi talap etken kólik ielerimen kezdesken bolatyn.
