فوتو: ازاتتىق راديوسى
مەملەكەت باسشىسى قاسىم-جومارت توقاەۆ Twitter-دەگٸ پاراقشاسىندا تاعى دا مەلٸمدەمە جاسادى, دەپ حابارلايدى "ۇلت اقپارات".
«قۇرامىندا پرەزيدەنت ەكٸمشٸلٸگٸنٸڭ قىزمەتكەرلەرٸ بار ٷكٸمەتتٸك كوميسسييا اقتاۋدا جۇمىسقا كٸرٸستٸ. رەسپۋبليكالىق وپەراتيۆتٸك شتاب تۇراقتى نەگٸزدە جۇمىس ٸستەپ جاتىر. كوميسسيياعا ەلٸمٸزدەگٸ تۇراقتىلىقتى ساقتاي وتىرىپ, تۋىنداعان مەسەلە بويىنشا ٶزارا تيٸمدٸ شەشٸم شىعارۋ جٷكتەلدٸ.
قۇقىق قورعاۋ ورگاندارىنا قوعامدىق تەرتٸپتٸڭ بۇزىلۋىنا جول بەرمەۋ جٶنٸندە تاپسىرما بەرٸلدٸ. دەمونسترانتتار جاۋاپكەرشٸلٸك تانىتىپ, ديالوگقا دايىن بولۋعا تيٸس», - دەدٸ پرەزيدەنت.
ەسكە سالايىق, جاڭاٶزەن مەن اقتاۋدىڭ مىڭداعان تۇرعىنى جاڭا جىلدان كەيٸن باعاسى كٷرت شارىقتاپ كەتكەن سۇيىتىلعان گاز باعاسىن تٷسٸرۋدٸ تالاپ ەتٸپ, كٶشەگە شىققان بولاتىن. ولار جولداردى جاۋىپ تاستاعان.
قازاقستان پرەزيدەنتٸ قاسىم-جومارت توقاەۆ جاعدايعا بايلانىستى ٷكٸمەتكە تيٸستٸ تاپسىرما بەردٸ. ٶڭٸردەگٸ جانار-جاعارماي قۇيۋ بەكەتتەرٸنٸڭ قوجايىندارى ٶز باستاماسىمەن گاز ليترٸن 120 تەڭگەدەن 85-90 تەڭگەگە دەيٸن ارزانداتۋ تۋرالى شەشٸم شىعارعان.
ماڭعىستاۋ وبلىسىنىڭ ەكٸمٸ نۇرلان نوعاەۆ جاڭاٶزەن قالاسىندا گاز باعاسىن تٶمەندەتۋدٸ تالاپ ەتكەن كٶلٸك يەلەرٸمەن كەزدەسكەن بولاتىن.
