QR Parlament Senatynyń tóraǵasy Qasym-Jomart Toqaev Qaraǵandyda brakonerlerdiń qolynan qaza tapqan Erlan Nurǵalievtiń erliginiń máńgi este saqtalatynyn aitty, dep habarlaidy "Ult aqparat".
«Búgin kiikterdi óltirgen brakonerlermen kúresken naǵyz er azamat, qoryqshy Erlan Nurǵaliev jerlendi. Ol QR ulttyq múlkin qorǵaý jolynda kóz jumdy. Imandy bolsyn! Banditter men olardyń isine qoldaý kórsetýshiler tiisti jazasyn alýlary kerek. Batyrdyń esimin máńgi este saqtaýǵa laiyqty», - dep jazdy Qasym-Jomart Toqaev óziniń Twitter-degi paraqshasynda.
Aita ketsek, osydan birneshe kún buryn 5 kiik atqan brakonerlermen qaqtyǵysta aýyr jaraqat alǵan «Ohotzooprom» ÓB» RMQK inspektory Erlan Nurǵaliev 15 qańtarda Astananyń №1 aýrýhanasynda kóz jumǵan edi.
