قر پارلامەنت سەناتىنىڭ تٶراعاسى قاسىم-جومارت توقاەۆ قاراعاندىدا براكونەرلەردٸڭ قولىنان قازا تاپقان ەرلان نۇرعاليەۆتٸڭ ەرلٸگٸنٸڭ مەڭگٸ ەستە ساقتالاتىنىن ايتتى, دەپ حابارلايدى "ۇلت اقپارات".
«بٷگٸن كيٸكتەردٸ ٶلتٸرگەن براكونەرلەرمەن كٷرەسكەن ناعىز ەر ازامات, قورىقشى ەرلان نۇرعاليەۆ جەرلەندٸ. ول قر ۇلتتىق مٷلكٸن قورعاۋ جولىندا كٶز جۇمدى. يماندى بولسىن! بانديتتەر مەن ولاردىڭ ٸسٸنە قولداۋ كٶرسەتۋشٸلەر تيٸستٸ جازاسىن الۋلارى كەرەك. باتىردىڭ ەسٸمٸن مەڭگٸ ەستە ساقتاۋعا لايىقتى», - دەپ جازدى قاسىم-جومارت توقاەۆ ٶزٸنٸڭ Twitter-دەگٸ پاراقشاسىندا.
ايتا كەتسەك, وسىدان بٸرنەشە كٷن بۇرىن 5 كيٸك اتقان براكونەرلەرمەن قاقتىعىستا اۋىر جاراقات العان «وحوتزووپروم» ٶب» رمقك ينسپەكتورى ەرلان نۇرعاليەۆ 15 قاڭتاردا استانانىڭ №1 اۋرۋحاناسىندا كٶز جۇمعان ەدٸ.
