Ulytaý oblysyndaǵy Qazaqmys kásiporyndarynyń jumyskerleri Jezqazǵan qalasynda ótken aýqymdy ekologiialyq aktsiiaǵa qatysyp, 5 myńǵa jýyq aǵash kóshetin otyrǵyzdy. Kógaldandyrý jumysy respýblikalyq «Taza Qazaqstan» baǵdarlamasy aiasynda uiymdastyryldy, dep habarlaidy Ult.kz.
Terek, qaraǵash, shaǵan, úieńki jáne sary qaraǵan kóshetteri qalanyń batys bóligindegi turǵyn alabynyń qorǵanysh orman beldeýine, sondai-aq Jezqazǵan-Sátbaev avtojolynyń boiyna otyrǵyzyldy.
Jumys «Qazaqmys» kompaniiasy men Ulytaý oblysynyń ákimdigi arasyndaǵy yntymaqtastyq aiasynda júzege asyryldy. Otyrǵyzý aldynda mamandar aýmaqty daiyndap, kóshet egiletin oryndardy ázirledi.
Jańa jasyl jelek qorǵanysh aimaqtaryn qalyptastyrýǵa, qalalyq ortany jaqsartýǵa jáne avtomobil jolyna irgeles aýmaqty kógaldandyrýǵa múmkindik beredi. Óńirdiń qýań klimatyn eskersek, aǵashtardyń jersinýin qamtamasyz etip, olardy kútip-baptaýdyń mańyzy zor.
«Taza Qazaqstan» ekologiialyq bastamalaryna qatysý Qazaqmys jumyskerlerin ortaq maqsatqa biriktiredi. Bul – óńirdegi qalalar men eldi mekenderdi jasyl jelekke oranǵan jáne ómir súrýge qolaily ortaǵa ainaldyrý.
