Balqashta «Qazaqmystyń» Basqarma tóraǵasy Rýslan Óskenáli men Baqylaý keńesiniń tóraǵasy Nurmuhambet Ábdibekov eńbek ujymdarymen kezdesti. Kezdesýge kompaniia kásiporyndary men enshiles uiymdarynyń 650-den astam jumyskeri qatysty, dep habarlaidy Ult.kz.
Kezdesýdiń negizgi taqyryptary — óndiristik qaýipsizdik, kásiporyndardy jańǵyrtý, eńbek jaǵdailary jáne jumyskerlerdiń ótinishteri boiynsha qabyldanǵan sheshimderdiń oryndalýy.
«Jańa komanda úshin jumyskerlerdiń ótinishteri hattamalar men hat almasýlar aiasynda ǵana qalyp qoimaýy asa mańyzdy. Eger másele kóterilse, ol boiynsha sheshim qabyldanyp, jaýapty tulǵa belgilenip, oryndalý merzimi naqty kórsetilýi tiis», – dep atap ótti Rýslan Óskenáli.
2026 jyldyń toǵyz aiyndaǵy negizgi nátijeler:
Qaýipsizdik: kompaniianyń óz jumyskerleri arasynda adam ólimine ákep soqqan jazataiym oqiǵa tirkelgen joq. Óndiristik jaraqattaný deńgeii 40%-ǵa tómendedi.
Óndiris jáne damý: paidalaný-barlaý burǵylaýynyń kólemi 103 myń qýma metrden asty. Ken qorynyń ósimi 1,75 mln tonnany qurady. Kompaniia kontsentrattaǵy jáne katodty mys óndirýdiń josparly qarqynyn saqtap otyr.
Jańǵyrtý: taý-ken tehnikasyn, óndiristik jabdyqtardy, shahtalardyń jeldetý júielerin jáne metallýrgiialyq qýattardy jańartý jalǵasýda. Jóndeý baǵdarlamasynyń biýdjeti eki eseden astam ulǵaiyp, 23,1 mlrd teńgege jetti. Josparlanǵan 354 nysannyń 157-sinde jóndeý jumystary aiaqtaldy.
Eńbek jaǵdailary: 81 sanitarlyq-turmystyq nysan jańartylýda, arnaiy kiimge arnalǵan 7 149 shkaf jetkizildi. Biryńǵai tamaqtandyrý operatory táýligine 10 myńnan astam jumyskerge qyzmet kórsetedi.
Áleýmettik qoldaý: 3 myńǵa jýyq adamǵa jalpy somasy 1,3 mlrd teńge kóleminde materialdyq kómek kórsetildi. 1 726 qyzmetkerdiń shipajailyq-kýrorttyq emdelý shyǵyndary óteldi. Jumyskerlerge 34 páter tegin berilip, 1 200 balanyń jazǵy demalysy uiymdastyryldy.
Baqylaý keńesiniń tóraǵasy Nurmuhambet Ábdibekov óndiristi jańǵyrtý men damytý jumyskerlerdiń eńbek jaǵdailaryn jaqsartýmen jáne ómir súrý sapasyn arttyrýmen qatar júrýi kerektigin atap ótti.
«Aldymyzda aýqymdy mindetter tur: óndiristi jańartý, jabdyq pen infraqurylymdy jańǵyrtý, shikizat bazasyn damytý, kásiporyndardyń tehnologiialyq deńgeiin arttyrý. Alaida osy jobalardyń barlyǵynda basty nazarda adam turýy tiis», – dep atap ótti Nurmuhambet Ábdibekov.
Kezdesý ashyq suraq-jaýap sessiiasymen aiaqtaldy. Qosymsha qaraýdy qajet etetin ótinishter jaýapty basshylarǵa bekitilip, olardy oryndaý jáne keri bailanys berý merzimderi belgilendi.
2026 jyldyń toǵyz aiynda «Qazaqmys» kásiporyndarynda eńbek ujymdarymen 418 jumys kezdesýi ótkizildi. Kompaniia basshylyqtyń jumyskerlermen tikelei dialogyn jalǵastyryp, qabyldanǵan sheshimderdiń oryndalýyn baqylaýdy qamtamasyz etedi.
