Foto: Aqorda
Memleket basshysy Sybailas jemqorlyqqa qarsy is-qimyl agenttiginiń tóraǵasy Ashat Jumaǵalidy qabyldady, dep habarlaidy Ult.kz.
Ashat Jumaǵali Sybailas jemqorlyqqa qarsy is-qimyl agenttiginiń elimizde qabyldaǵan sharalary týraly esep berdi.
Qasym-Jomart Toqaevqa Antikor qyzmetiniń biylǵy jospary, sonyń ishinde «Zań men tártip» qaǵidatyn iske asyrý jónindegi negizgi mindetteri tanystyryldy.
Ashat Jumaǵalidyń aitýynsha, byltyr 1641 jemqorlyqqa qatysty qylmys tirkelip, júieli túrde jemqorlyq jasaýdyń 68 faktisi anyqtalǵan. Eki uiymdasqan qylmystyq toptyń áreketi áshkerelenip, sonymen qatar eki topqa úkim shyǵarylǵan. Sybailas jemqorlyqqa jol bergen 1493 adam ustaldy. Olardyń ishinde túrli deńgeidegi 229 basshy bar. 914 adam sottaldy.
Agenttik 2022 jyldan beri memleketke jalpy somasy 1,12 trillion teńgege baǵalanǵan múliktik aktivter men qarajattyń qaitarylýyn qamtamasyz etken. Byltyr somasy 486,5 milliard teńge bolatyn múliktik aktivter men qarajat qaitarylǵan.
Vedomstvonyń memlekettik satyp alý men qarjynyń maqsatty igerilýine monitoring júrgizip, 87,7 milliard teńgeniń tiimsiz jumsalýyna jol bermegeni jóninde aitty:
mańyzdy infraqurylymdyq jáne áleýmettik jobalardyń qurylysyn baqylaý jumystary jalǵasyp jatyr;
agenttiktiń qadaǵalaýynda 182 nysan bar, onyń ishinde 81 qurylystyń jumysy aiaqtalǵan;
Prezident tapsyrmalarynyń oryndalýy jaiynda baiandady:
jol salasyndaǵy jemqorlyqty joiý úshin taldaý júrgizilip, ýákiletti organdarǵa birqatar usynym berilgen;
agenttik qyzmetkerlerinen arnaiy qurylǵan toptar óńirlerdegi jol qurylysy men jóndeý jumystaryna monitoring júrgizip jatyr;
baqylaýǵa alynǵan 258 jobanyń jalpy uzyndyǵy 1,8 myń shaqyrym bolatyn 119 ýchaskesi paidalanýǵa berilip, olarda anyqtalǵan aqaýdyń 95 paiyzy retke keltirilgen;
"Tsifrlyq teńge" platformasynda "aqshany boiaý" pilottyq jobasy iske asyrylýda. Bul tetik aýyl sharýashylyǵy men jol salalarynyń jekelegen baǵyttarynda qoldanylyp jatyr. Keiinnen ony tsifrlyq júiemen birge biýdjet qarjysyn jumsaýdyń barlyq kezeńine engizý josparlanǵan;
meditsina, sport jáne áleýmettik qoldaý salalarynda sybailas jemqorlyq táýekelderine syrtqy taldaý jumystary aiaqtalǵan;
Densaýlyq saqtaý sektoryndaǵy taldaý qorytyndysy boiynsha dári-dármektiń ústeme baǵasy arzandaǵany jóninde aqparat berdi. Bul azamattardyń qajettiligin ótep, áleýmettik máselelerin sheshýge oń áser etedi:
elimizde naýqastarǵa QR-kod arqyly tegin dári-dármek berý jobasy iske qosyldy. Atalǵan bastama jalǵan retseptter jazyp berý, dári-dármekterdi urlaý táýekelderin azaityp, biýdjet qarjysyn únemdeidi;
halyqaralyq yntymaqtastyqtyń nátijeleri, sonyń ishinde Ázerbaijan, Resei, Gonkong, Iordaniia jáne Qatar elderiniń sybailas jemqorlyqqa qarsy vedomstvolarymen memorandýmdarǵa qol qoiylǵany týraly aitty;
Ekonomikalyq yntymaqtastyq jáne damý uiymy men Sybailas jemqorlyqqa qarsy kúres jónindegi memleketter tobynyń usynymdaryn iske asyrý boiynsha jumys jalǵasyp jatqanyn jetkizdi. Onyń aiasynda ozyq halyqaralyq tájiribeni engizýdi kózdeitin 2 zań jobasy Májilistiń qaraýyna usynylǵan.
Memleket basshysy elimizdegi sybailas jemqorlyqpen kúresti odan ári jalǵastyrý jóninde birqatar tapsyrma berdi.
