فوتو: اقوردا
مەملەكەت باسشىسى سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اسحات جۇماعاليدى قابىلدادى, دەپ حابارلايدى Ult.kz.
اسحات جۇماعالي سىبايلاس جەمقورلىققا قارسى ٸس-قيمىل اگەنتتٸگٸنٸڭ ەلٸمٸزدە قابىلداعان شارالارى تۋرالى ەسەپ بەردٸ.
قاسىم-جومارت توقاەۆقا انتيكور قىزمەتٸنٸڭ بيىلعى جوسپارى, سونىڭ ٸشٸندە «زاڭ مەن تەرتٸپ» قاعيداتىن ٸسكە اسىرۋ جٶنٸندەگٸ نەگٸزگٸ مٸندەتتەرٸ تانىستىرىلدى.
اسحات جۇماعاليدىڭ ايتۋىنشا, بىلتىر 1641 جەمقورلىققا قاتىستى قىلمىس تٸركەلٸپ, جٷيەلٸ تٷردە جەمقورلىق جاساۋدىڭ 68 فاكتٸسٸ انىقتالعان. ەكٸ ۇيىمداسقان قىلمىستىق توپتىڭ ەرەكەتٸ ەشكەرەلەنٸپ, سونىمەن قاتار ەكٸ توپقا ٷكٸم شىعارىلعان. سىبايلاس جەمقورلىققا جول بەرگەن 1493 ادام ۇستالدى. ولاردىڭ ٸشٸندە تٷرلٸ دەڭگەيدەگٸ 229 باسشى بار. 914 ادام سوتتالدى.
اگەنتتٸك 2022 جىلدان بەرٸ مەملەكەتكە جالپى سوماسى 1,12 تريلليون تەڭگەگە باعالانعان مٷلٸكتٸك اكتيۆتەر مەن قاراجاتتىڭ قايتارىلۋىن قامتاماسىز ەتكەن. بىلتىر سوماسى 486,5 ميلليارد تەڭگە بولاتىن مٷلٸكتٸك اكتيۆتەر مەن قاراجات قايتارىلعان.
ۆەدومستۆونىڭ مەملەكەتتٸك ساتىپ الۋ مەن قارجىنىڭ ماقساتتى يگەرٸلۋٸنە مونيتورينگ جٷرگٸزٸپ, 87,7 ميلليارد تەڭگەنٸڭ تيٸمسٸز جۇمسالۋىنا جول بەرمەگەنٸ جٶنٸندە ايتتى:
ماڭىزدى ينفراقۇرىلىمدىق جەنە ەلەۋمەتتٸك جوبالاردىڭ قۇرىلىسىن باقىلاۋ جۇمىستارى جالعاسىپ جاتىر;
اگەنتتٸكتٸڭ قاداعالاۋىندا 182 نىسان بار, ونىڭ ٸشٸندە 81 قۇرىلىستىڭ جۇمىسى اياقتالعان;
پرەزيدەنت تاپسىرمالارىنىڭ ورىندالۋى جايىندا باياندادى:
جول سالاسىنداعى جەمقورلىقتى جويۋ ٷشٸن تالداۋ جٷرگٸزٸلٸپ, ۋەكٸلەتتٸ ورگاندارعا بٸرقاتار ۇسىنىم بەرٸلگەن;
اگەنتتٸك قىزمەتكەرلەرٸنەن ارنايى قۇرىلعان توپتار ٶڭٸرلەردەگٸ جول قۇرىلىسى مەن جٶندەۋ جۇمىستارىنا مونيتورينگ جٷرگٸزٸپ جاتىر;
باقىلاۋعا الىنعان 258 جوبانىڭ جالپى ۇزىندىعى 1,8 مىڭ شاقىرىم بولاتىن 119 ۋچاسكەسٸ پايدالانۋعا بەرٸلٸپ, ولاردا انىقتالعان اقاۋدىڭ 95 پايىزى رەتكە كەلتٸرٸلگەن;
"تسيفرلىق تەڭگە" پلاتفورماسىندا "اقشانى بوياۋ" پيلوتتىق جوباسى ٸسكە اسىرىلۋدا. بۇل تەتٸك اۋىل شارۋاشىلىعى مەن جول سالالارىنىڭ جەكەلەگەن باعىتتارىندا قولدانىلىپ جاتىر. كەيٸننەن ونى تسيفرلىق جٷيەمەن بٸرگە بيۋدجەت قارجىسىن جۇمساۋدىڭ بارلىق كەزەڭٸنە ەنگٸزۋ جوسپارلانعان;
مەديتسينا, سپورت جەنە ەلەۋمەتتٸك قولداۋ سالالارىندا سىبايلاس جەمقورلىق تەۋەكەلدەرٸنە سىرتقى تالداۋ جۇمىستارى اياقتالعان;
دەنساۋلىق ساقتاۋ سەكتورىنداعى تالداۋ قورىتىندىسى بويىنشا دەرٸ-دەرمەكتٸڭ ٷستەمە باعاسى ارزانداعانى جٶنٸندە اقپارات بەردٸ. بۇل ازاماتتاردىڭ قاجەتتٸلٸگٸن ٶتەپ, ەلەۋمەتتٸك مەسەلەلەرٸن شەشۋگە وڭ ەسەر ەتەدٸ:
ەلٸمٸزدە ناۋقاستارعا QR-كود ارقىلى تەگٸن دەرٸ-دەرمەك بەرۋ جوباسى ٸسكە قوسىلدى. اتالعان باستاما جالعان رەتسەپتتەر جازىپ بەرۋ, دەرٸ-دەرمەكتەردٸ ۇرلاۋ تەۋەكەلدەرٸن ازايتىپ, بيۋدجەت قارجىسىن ٷنەمدەيدٸ;
حالىقارالىق ىنتىماقتاستىقتىڭ نەتيجەلەرٸ, سونىڭ ٸشٸندە ەزەربايجان, رەسەي, گونكونگ, يوردانييا جەنە قاتار ەلدەرٸنٸڭ سىبايلاس جەمقورلىققا قارسى ۆەدومستۆولارىمەن مەموراندۋمدارعا قول قويىلعانى تۋرالى ايتتى;
ەكونوميكالىق ىنتىماقتاستىق جەنە دامۋ ۇيىمى مەن سىبايلاس جەمقورلىققا قارسى كٷرەس جٶنٸندەگٸ مەملەكەتتەر توبىنىڭ ۇسىنىمدارىن ٸسكە اسىرۋ بويىنشا جۇمىس جالعاسىپ جاتقانىن جەتكٸزدٸ. ونىڭ اياسىندا وزىق حالىقارالىق تەجٸريبەنٸ ەنگٸزۋدٸ كٶزدەيتٸن 2 زاڭ جوباسى مەجٸلٸستٸڭ قاراۋىنا ۇسىنىلعان.
مەملەكەت باسشىسى ەلٸمٸزدەگٸ سىبايلاس جەمقورلىقپەن كٷرەستٸ ودان ەرٸ جالعاستىرۋ جٶنٸندە بٸرقاتار تاپسىرما بەردٸ.
