Úkimet aýyl sharýashylyǵy jerlerin tolyqqandy ekonomikalyq ainalymǵa engizýdiń ózge ádis-tásilderin ázirleýi tiis. Bul týraly búgin Qazaqstan halqyna Joldaýyn jariia etken QR Prezidenti Qasym-Jomart Toqaev aitty, dep habarlaidy "Ult aqparat".
«Kelesi jyly aýyl sharýashylyǵy maqsatyndaǵy jerdi paidalaný máselesi boiynsha Jer kodeksiniń keibir normalaryna engizilgen moratorii kúshin joiady. Jerimiz sheteldikterge satylmaidy. Biraq, Úkimet aýyl sharýashylyǵy jerlerin tolyqqandy ekonomikalyq ainalymǵa engizýdiń ózge ádis-tásilderin ázirleýi tiis. Agrarlyq sektorǵa investitsiia tartý aýadai qajet. Kásibi mamandardyń tapshylyǵy, sonymen qatar agrarlyq ǵylymnyń oidaǵydai damymaýy - osy saladaǵy qordalanǵan máseleler», - dedi Memleket basshysy.
QR Prezidentiniń atap ótýinshe, osy baǵytta atqarýshy bilik tarapynan naqty sharalar qabyldanýy kerek,
«Tehnologiialyq turǵydan eskirgen sýǵarý júiesi úlken kedergi keltirip otyr. Sýdyń 40 paiyzy dalaǵa ketip jatatyn kezder bolady. Onsyz da sý tapshylyǵy zardabyn tartyp otyrǵan elimiz buǵan jol bere almaidy. Osy salanyń normativtik-quqyq turǵydan rettelýin qamtamasyz etip, zamanaýi tehnologiialar men innovatsiiany engizý úshin ekonomikalyq yntalandyrý sharalaryn ázirleý qajet», - dedi Qasym-Jomart Toqaev.
