ٷكٸمەت اۋىل شارۋاشىلىعى جەرلەرٸن تولىققاندى ەكونوميكالىق اينالىمعا ەنگٸزۋدٸڭ ٶزگە ەدٸس-تەسٸلدەرٸن ەزٸرلەۋٸ تيٸس. بۇل تۋرالى بٷگٸن قازاقستان حالقىنا جولداۋىن جارييا ەتكەن قر پرەزيدەنتٸ قاسىم-جومارت توقاەۆ ايتتى, دەپ حابارلايدى "ۇلت اقپارات".
«كەلەسٸ جىلى اۋىل شارۋاشىلىعى ماقساتىنداعى جەردٸ پايدالانۋ مەسەلەسٸ بويىنشا جەر كودەكسٸنٸڭ كەيبٸر نورمالارىنا ەنگٸزٸلگەن موراتوريي كٷشٸن جويادى. جەرٸمٸز شەتەلدٸكتەرگە ساتىلمايدى. بٸراق, ٷكٸمەت اۋىل شارۋاشىلىعى جەرلەرٸن تولىققاندى ەكونوميكالىق اينالىمعا ەنگٸزۋدٸڭ ٶزگە ەدٸس-تەسٸلدەرٸن ەزٸرلەۋٸ تيٸس. اگرارلىق سەكتورعا ينۆەستيتسييا تارتۋ اۋاداي قاجەت. كەسٸبي مامانداردىڭ تاپشىلىعى, سونىمەن قاتار اگرارلىق عىلىمنىڭ ويداعىداي دامىماۋى - وسى سالاداعى قوردالانعان مەسەلەلەر», - دەدٸ مەملەكەت باسشىسى.
قر پرەزيدەنتٸنٸڭ اتاپ ٶتۋٸنشە, وسى باعىتتا اتقارۋشى بيلٸك تاراپىنان ناقتى شارالار قابىلدانۋى كەرەك,
«تەحنولوگييالىق تۇرعىدان ەسكٸرگەن سۋعارۋ جٷيەسٸ ٷلكەن كەدەرگٸ كەلتٸرٸپ وتىر. سۋدىڭ 40 پايىزى دالاعا كەتٸپ جاتاتىن كەزدەر بولادى. ونسىز دا سۋ تاپشىلىعى زاردابىن تارتىپ وتىرعان ەلٸمٸز بۇعان جول بەرە المايدى. وسى سالانىڭ نورماتيۆتٸك-قۇقىق تۇرعىدان رەتتەلۋٸن قامتاماسىز ەتٸپ, زاماناۋي تەحنولوگييالار مەن يننوۆاتسييانى ەنگٸزۋ ٷشٸن ەكونوميكالىق ىنتالاندىرۋ شارالارىن ەزٸرلەۋ قاجەت», - دەدٸ قاسىم-جومارت توقاەۆ.
