Búgin Premer-Ministrdiń orynbasary Eraly Toǵjanovtyń tóraǵalyǵymen kino jáne teatr salasyn damytý jónindegi keńes otyrysy ótti, dep habarlaidy Úkimettiń baspasóz qyzmeti.
Oǵan tiisti ortalyq memlekettik jáne jergilikti atqarýshy organ ókilderi men mádeniet salasynyń mamandary qatysty. Keńes barysynda kino jáne teatr salasyndaǵy birqatar problemalyq máseleler men olardy júieli túrde sheshý joldary qarastyryldy.
Búgingi kúni Qazaqstanda 65 teatr bar, onyń ishinde 54-i memlekettik, 11-i jeke menshik. Jalpy Táýelsizdik jyldarynda Qazaqstanda 21 memlekettik teatr ashyldy, 10 teatrǵa jańa ǵimarat salyndy. Teatrlardyń mártebesin kóterý maqsatynda 3 teatrǵa «Ulttyq», 9 teatrǵa «Akademiialyq» statýsy berilgen.
Premer-Ministrdiń orynbasary keńes barysynda teatrlarda kórkemdik deńgeii syn kótermeitin qoiylymdardyń sahnalanýynyń, tarihi faktilerdiń burmalanýy faktileri kezdesip otyrǵanyn aitty. Bul rette ol kórkemdik keńestiń maquldaýynsyz qoiylymdardy iske asyrmaý, kórkemdik keńester quramyna tarihshy mamandardy engizý qajettiligin atap ótti.
Teatr synshylary institýtyn damytýdyń mańyzyna toqtaldy. Teatr synshylaryna turaqty qoldaý kórsetýdi tapsyrdy.
Budan bólek, Úkimet basshysynyń orynbasary kinematografiia salasyndaǵy birqatar problemalardy kóterdi. Respýblikada 110 kinoteatr óz qyzmetin júzege asyrady, onyń ishinde 29-y memlekettik menshikte.
1991 jyldan beri «Qazaqfilm» kinostýdiiasymen 600-den asa film túsirildi. Degenmen eńbekqorlyqty, azamattyq jaýapkershilikti, otansúigishtikti, sportty nasihattaityn kartinalardyń áli de jetkiliksiz ekendigi aityldy. Bul baǵytta E. Toǵjanov kino jáne teatr salasyndaǵy qoiylym taqyryptaryn júieli qundylyqtardyń aiasynda qoiýdy usyndy.
Keńes qorytyndysy boiynsha Premer-Ministrdiń orynbasary Mádeniet jáne sport ministrligi men óńir ákimdikterine kino jáne teatr salasyn damytý boiynsha júieli sharalar qabyldaý týraly birqatar naqty tapsyrmalar berdi.
