Almatyda qazaqstandyq «Mugalim» filminiń jabyq kórsetilimi ótti. Is-sharaǵa filmniń shyǵarmashylyq toby, otandyq kino salasynyń ókilderi, mádeniet qairatkerleri, jýrnalister jáne blogerler qatysty, dep habarlaidy ult.kz.
20 qyrkúiekte filmniń álemdik premerasy San-Sebastiandaǵy 74-shi halyqaralyq kinofestivaldiń New Directors baiqaý baǵdarlamasyna engizildi. Bul – A sanatyndaǵy eń baiyrǵy halyqaralyq kinofestivalderdiń biri. «Mugalim» atalǵan festivaldiń baiqaý baǵdarlamasyna engen qazaqstandyq áiel rejisser túsirgen alǵashqy film boldy.
«Mugalim» – rejisser Aiana Nurdinovanyń alǵashqy tolyqmetrajdy filmi. Oqiǵa Balqash qalasynda mýzyka páninen sabaq beretin Jandos esimdi muǵalimniń oqiǵasyn baiandaidy. Ustazdyq joldy tańdaǵan Jandos shákirtterin jaqsy kórgenimen, óner jolyna túsýdi de armandaidy. Alaida úlken qalaǵa qonys aýdarýǵa múmkindik týǵan kezde ol armanyna jetý men ózi úshin qymbat jandardyń janynda qalýdyń birin tańdaýy kerek bolady.
Film Balqash qalasynda túsirildi. Basty rólderdi Oljas Dálelhan, Rústem Janyamanov, Shynar Janysbekova, Olga Landina, Gúlnar Dýsmatova jáne basqa da akterler somdady. Filmniń prodiýseri – Arýjan Dosymqoja, qoiýshy operatory – Aigúl Nurbolatova.
Týyndy QR Mádeniet jáne aqparat ministrligi men Ulttyq kinony qoldaý memlekettik ortalyǵynyń qoldaýymen túsirildi.
Búginnen bastap «Mugalim» filmi Qazaqstan kinoteatrlarynda keń prokatqa shyǵady.
