بٷگٸن پرەمەر-مينيستردٸڭ ورىنباسارى ەرالى توعجانوۆتىڭ تٶراعالىعىمەن كينو جەنە تەاتر سالاسىن دامىتۋ جٶنٸندەگٸ كەڭەس وتىرىسى ٶتتٸ, دەپ حابارلايدى ٷكٸمەتتٸڭ باسپاسٶز قىزمەتٸ.
وعان تيٸستٸ ورتالىق مەملەكەتتٸك جەنە جەرگٸلٸكتٸ اتقارۋشى ورگان ٶكٸلدەرٸ مەن مەدەنيەت سالاسىنىڭ ماماندارى قاتىستى. كەڭەس بارىسىندا كينو جەنە تەاتر سالاسىنداعى بٸرقاتار پروبلەمالىق مەسەلەلەر مەن ولاردى جٷيەلٸ تٷردە شەشۋ جولدارى قاراستىرىلدى.
بٷگٸنگٸ كٷنٸ قازاقستاندا 65 تەاتر بار, ونىڭ ٸشٸندە 54-ٸ مەملەكەتتٸك, 11-ٸ جەكە مەنشٸك. جالپى تەۋەلسٸزدٸك جىلدارىندا قازاقستاندا 21 مەملەكەتتٸك تەاتر اشىلدى, 10 تەاترعا جاڭا عيمارات سالىندى. تەاترلاردىڭ مەرتەبەسٸن كٶتەرۋ ماقساتىندا 3 تەاترعا «ۇلتتىق», 9 تەاترعا «اكادەمييالىق» ستاتۋسى بەرٸلگەن.
پرەمەر-مينيستردٸڭ ورىنباسارى كەڭەس بارىسىندا تەاترلاردا كٶركەمدٸك دەڭگەيٸ سىن كٶتەرمەيتٸن قويىلىمداردىڭ ساحنالانۋىنىڭ, تاريحي فاكتٸلەردٸڭ بۇرمالانۋى فاكتٸلەرٸ كەزدەسٸپ وتىرعانىن ايتتى. بۇل رەتتە ول كٶركەمدٸك كەڭەستٸڭ ماقۇلداۋىنسىز قويىلىمداردى ٸسكە اسىرماۋ, كٶركەمدٸك كەڭەستەر قۇرامىنا تاريحشى مامانداردى ەنگٸزۋ قاجەتتٸلٸگٸن اتاپ ٶتتٸ.
تەاتر سىنشىلارى ينستيتۋتىن دامىتۋدىڭ ماڭىزىنا توقتالدى. تەاتر سىنشىلارىنا تۇراقتى قولداۋ كٶرسەتۋدٸ تاپسىردى.
بۇدان بٶلەك, ٷكٸمەت باسشىسىنىڭ ورىنباسارى كينەماتوگرافييا سالاسىنداعى بٸرقاتار پروبلەمالاردى كٶتەردٸ. رەسپۋبليكادا 110 كينوتەاتر ٶز قىزمەتٸن جٷزەگە اسىرادى, ونىڭ ٸشٸندە 29-ى مەملەكەتتٸك مەنشٸكتە.
1991 جىلدان بەرٸ «قازاقفيلم» كينوستۋديياسىمەن 600-دەن اسا فيلم تٷسٸرٸلدٸ. دەگەنمەن ەڭبەكقورلىقتى, ازاماتتىق جاۋاپكەرشٸلٸكتٸ, وتانسٷيگٸشتٸكتٸ, سپورتتى ناسيحاتتايتىن كارتينالاردىڭ ەلٸ دە جەتكٸلٸكسٸز ەكەندٸگٸ ايتىلدى. بۇل باعىتتا ە. توعجانوۆ كينو جەنە تەاتر سالاسىنداعى قويىلىم تاقىرىپتارىن جٷيەلٸ قۇندىلىقتاردىڭ اياسىندا قويۋدى ۇسىندى.
كەڭەس قورىتىندىسى بويىنشا پرەمەر-مينيستردٸڭ ورىنباسارى مەدەنيەت جەنە سپورت مينيسترلٸگٸ مەن ٶڭٸر ەكٸمدٸكتەرٸنە كينو جەنە تەاتر سالاسىن دامىتۋ بويىنشا جٷيەلٸ شارالار قابىلداۋ تۋرالى بٸرقاتار ناقتى تاپسىرمالار بەردٸ.
