Keiingi jeti jylda Memleket basshysy Qasym-Jomart Toqaevtyń bastamasymen elimizde mádeniet salasyn damytý, ulttyq murany saqtaý, otandyq ónerdi qoldaý jáne mádeni infraqurylymdy jańǵyrtý baǵytynda aýqymdy jumystar atqaryldy.
Osy kezeńde elimizde teatrlar, mýzeiler, kitaphanalar men mádeniet úilerin qosa alǵanda, 312 jańa mádeniet nysany salyndy. Sonymen qatar qoldanystaǵy nysandar jańǵyrtylyp, materialdyq-tehnikalyq baza jańartyldy. Óńirlerde mádeni qyzmet kórsetý aiasyn keńeitýge de basymdyq berildi.
Kitaphana isi men shyǵarmashylyq bilim berýdi damytýǵa airyqsha kóńil bólindi. Kitaphanalardy 2027 jylǵa deiin jańǵyrtý jónindegi Jol kartasy iske asyrylyp, búginde óńirlerdegi mádeniet úileriniń materialdyq-tehnikalyq bazasy jańartylyp jatyr. Almatyda shyǵarmashylyq oqý oryndarynyń stýdentterine arnalǵan 500 oryndyq jataqhananyń qurylysy bastaldy. Petropavlda Qazaq ulttyq óner ýniversitetiniń ókildigi ashylsa, Shymkentte Mádeniet jáne óner ýniversitetin qurý jumystary qolǵa alyndy.
Teatr óneriniń damýy
Keiingi jeti jylda teatr ónerinde de birqatar mańyzdy ózgeris boldy. Astana, Atyraý, Qyzylorda jáne Shymkent qalalarynda bes jańa memlekettik teatr quryldy. Astanadaǵy Qalibek Qýanyshbaev atyndaǵy teatr, Petropavldaǵy Sábit Muqanov atyndaǵy teatr jáne Túrkistan mýzykalyq drama teatry jańa ǵimarattarǵa kóshti.
Qazir Aqtóbe men Qonaev qalalarynda teatrlardyń qurylysy júrip jatyr. Shymkent, Qyzylorda jáne Semei qalalarynda jańa teatr salý jobalary pysyqtalýda. Muhtar Áýezov jáne Nataliia Sats atyndaǵy teatrlardy jańǵyrtý jumystary da qatar júrgizilip keledi.
Jetekshi mádeni uiymdardyń mártebesin kóterýge mańyzdy qadam jasaldy. Keiingi alty jylda respýblikalyq 10 mekemege «Ulttyq», respýblikalyq jáne óńirlik taǵy 10 uiymǵa «Akademiialyq» mártebesi berildi. Sondai-aq otyz jylǵa jýyq ýaqyttan keiin «Qazaqstannyń halyq ártisi» qurmetti ataǵy qaita taǵaiyndaldy.
Otandyq teatrlardaǵy repertýar da jańa týyndylarmen tolyqty. Teatr sahnalarynda «Qozy Kórpesh – Baian Sulý», «Altyn gúl», «Aqbala» baletteri, «Joshy han» tarihi dramasy jáne «Qypshaq qyzy Appaq» operasynyń premeralary ótti. Sonymen qatar «Gúlder» ansambli qaita qurylyp, Memlekettik klassikalyq gitarashylar kvinteti men kópultty «Birlik» ansambli quryldy.
Mýzeilerdi jańǵyrtý jáne mádeni murany saqtaý
Mýzei isinde de eleýli ózgerister boldy. Elimizdegi mýzeiler sany 36-ǵa artyp, 250-den 286-ǵa jetti. Mýzei qorlary 68 669 saqtaý birligimen tolyqty.
Bes vizit-ortalyqtyń qurylysy aiaqtalyp, paidalanýǵa berildi. Olar: Almaty oblysyndaǵy «Tańbaly», Túrkistan oblysyndaǵy «Otyrar», «Ordabasy», Ulytaý oblysyndaǵy «Ulytaý» jáne Atyraý oblysyndaǵy «Saraishyq» vizit-ortalyqtary.
Jańa vizit-ortalyqtardy damytý jumystary da jalǵasyp jatyr. Olardyń qatarynda Túrkistan oblysyndaǵy «Saýran», «Gaýhar ana» jáne Almaty oblysyndaǵy «Esik» bar.
Eki mýzeide «Altyn Orda» zaldary ashyldy. Sondai-aq Paleontologiia zaly men Qolónershiler ortalyǵy jumysyn bastady.
Iri jobalardyń biri – ashyq aspan astyndaǵy «Bozoq» arheologiialyq parki. Budan bólek, Ábilhan Qasteev atyndaǵy Memlekettik óner mýzeiine kúrdeli jóndeý jumysy júrgizildi.
Mýzei qorlaryn tsifrlandyrý jumystary da jańa qarqyn aldy. 2025 jyly elimizdegi 284 mýzei týraly málimetti qamtityn E-museum platformasy iske qosyldy. Tsifrlyq katalogqa 66 myńnan astam mýzei jádigeri engizilip, 750 úshólshemdi model men 15 virtýal týr ázirlendi.
Qazaqstan mýzeileriniń sheteldik áriptesterimen bailanysy da keńeidi. Otandyq mýzei qorlaryndaǵy qundy jádigerler Resei, Italiia, Frantsiia, Qytai jáne Ázerbaijandaǵy kórmelerde kórsetildi. 2025 jyly Á.Qasteev atyndaǵy Ulttyq óner mýzeiiniń týyndylary Tretiakov galereiasynda qoiylsa, ulttyq jobalar Venetsiia biennalesi men Parijdegi Gime Aziia óneri mýzeiinde tanystyryldy. 2026 jyly «Qazaqstan – Frantsiia 2026» halyqaralyq Qazaqstan mýzei kongresi – mýzeologiia forýmy ótti.
Zań júzinde Túrkistannyń elimizdiń rýhani, tarihi-mádeni jáne týristik ortalyǵy retindegi erekshe mártebesi bekitildi.
