Búgin Qazaqstan Respýblikasy Premer-Ministriniń orynbasary Eraly Toǵjanovtyń tóraǵalyǵymen halyqaralyq «Qazaq tili» qoǵamyna qoldaý kórsetý jáne memlekettik tildi damytý máseleleri jóninde jinalys ótti. Bul týraly primeminister.kz saity habarlady.
Keńeske múddeli memlekettik organdardyń jáne jergilikti ákimdikterdiń jaýapty ókilderi qatysty.
Jinalysta QR Bilim jáne ǵylym ministriniń birinshi orynbasary Sholpan Karinova memlekettik tildi damytý reformasynyń iske asyrylý barysyn baiandady. 2021 jyly «Ulttyq rýhani jańǵyrý» ulttyq jobasy aiasynda pýblitsistikalyq mátinderdiń 2 mln birligine taldaý jasalyp, arnaiy sait – qazcorpora.kz saityna ornalastyryldy. 2022 jyldan bastap jyl saiyn sózqoldanys sanyn 10 mln arttyryp, 2025 jyly Qazaq tiliniń ulttyq korpýsyndaǵy sózqoldanystar sanyn 40 mln jetkizý josparlanyp otyr.
Baqylaý júrgizý týraly Bilim jáne ǵylym ministriniń 2021 jylǵy 3 jeltoqsandaǵy №580 buiryǵymen 41 (memlekettik organ) tekserý obektisi bekitildi, onyń ishinde: 21 ortalyq atqarýshy jáne 20 jergilikti atqarýshy organ. Sondai-aq 2021 jyly 180 mekemeniń resmi saityna monitoring júrgizildi. Osy monitoringiniń qorytyndysy boiynsha 197 eskertý hattary joldanyp, 89 mekeme túzetýler engizdi.
Vitse-Premer sońǵy jyldary memlekettik til máselesin kóterip júrgen azamattar men bastamashyl toptar qatary artyp kele jatqanyn atap ótti. Bul baǵyttaǵy máselelerdi sheshý úshin tiisti memlekettik organdarǵa naqty tapsyrmalar berdi.
Atap aitqanda, jańa ári kópshilikke qyzyqty kontentti qalyptastyrý úshin sapaly aýdarmashy mamandar pýlyn qalyptastyrýdy júktedi. Tildi úiretýge kómektesetin, qolaily qosymshalardy damytýdyń mańyzdylyǵyn eskere otyryp, aǵylshyn tilin úiretýge arnalǵan qosymshalardy jan-jaqty zerdeleýdi tapsyrdy.
Eraly Toǵjanov kinolardyń qazaq tilindegi aýdarmalaryn synǵa alyp, qazaqsha mýltfilmderdiń de sapasyn arttyrý qajettigin aitty.
Memleket basshysynyń 2021 jylǵy Qazaqstan halqyna Joldaýynda aitylǵan tapsyrmany iske asyrý úshin Úkimet basshysynyń orynbasary Jańa Qazaqstandyq mádenietti qalyptastyrý jónindegi sharalar jospary aiasynda qazaq tilindegi tolyqmetrajdy 2 mýltfilm, 10 mýltserial, 10 balalar tele-baǵdarlamasyn, 20 balalar ádebieti shyǵarmasyn, 30 sapaly aýdarma ázirleý boiynsha usynystardy pysyqtap engizýdi tapsyrdy. Sonymen qatar balalar ádebietin damytý aiasynda qazaq tilinde jeńil tilmen jazylǵan shyǵarmalardyń barlyq balalar úshin qoljetimdi bolýyn jáne mundai shyǵarmalardy balalar arasynda keńinen jarnamalaýdyń mańyzdylyǵyn jetkizdi.
Memlekettik qyzmet isteri agenttigine memlekettik organdarda jáne ulttyq kompaniialarda memlekettik tildiń qoldanys aiasyn keńeitý jónindegi usynystardy, keńesterdiń qazaq tilinde ótýi, qujattardyń memlekettik tilde daiyndalýy boiynsha kriteriilerdi engizý júkteldi.
Búgingi kúni «Halyqaralyq «Qazaq tili qoǵamy» qoǵamdyq birlestiginiń 15 oblystyq, 27 aýdandyq filialy, 1663 bastaýysh uiymdary bar. Memleketik tildi damytý aiasynda óńirlerde qazaq tili qoǵamynyń jańa filialdaryn qaita qurý qajettiligi atap ótildi.
