بٷگٸن قازاقستان رەسپۋبليكاسى پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن حالىقارالىق «قازاق تٸلٸ» قوعامىنا قولداۋ كٶرسەتۋ جەنە مەملەكەتتٸك تٸلدٸ دامىتۋ مەسەلەلەرٸ جٶنٸندە جينالىس ٶتتٸ. بۇل تۋرالى primeminister.kz سايتى حابارلادى.
كەڭەسكە مٷددەلٸ مەملەكەتتٸك ورگانداردىڭ جەنە جەرگٸلٸكتٸ ەكٸمدٸكتەردٸڭ جاۋاپتى ٶكٸلدەرٸ قاتىستى.
جينالىستا قر بٸلٸم جەنە عىلىم مينيسترٸنٸڭ بٸرٸنشٸ ورىنباسارى شولپان كارينوۆا مەملەكەتتٸك تٸلدٸ دامىتۋ رەفورماسىنىڭ ٸسكە اسىرىلۋ بارىسىن باياندادى. 2021 جىلى «ۇلتتىق رۋحاني جاڭعىرۋ» ۇلتتىق جوباسى اياسىندا پۋبليتسيستيكالىق مەتٸندەردٸڭ 2 ملن بٸرلٸگٸنە تالداۋ جاسالىپ, ارنايى سايت – qazcorpora.kz سايتىنا ورنالاستىرىلدى. 2022 جىلدان باستاپ جىل سايىن سٶزقولدانىس سانىن 10 ملن ارتتىرىپ, 2025 جىلى قازاق تٸلٸنٸڭ ۇلتتىق كورپۋسىنداعى سٶزقولدانىستار سانىن 40 ملن جەتكٸزۋ جوسپارلانىپ وتىر.
باقىلاۋ جٷرگٸزۋ تۋرالى بٸلٸم جەنە عىلىم مينيسترٸنٸڭ 2021 جىلعى 3 جەلتوقسانداعى №580 بۇيرىعىمەن 41 (مەملەكەتتٸك ورگان) تەكسەرۋ وبەكتٸسٸ بەكٸتٸلدٸ, ونىڭ ٸشٸندە: 21 ورتالىق اتقارۋشى جەنە 20 جەرگٸلٸكتٸ اتقارۋشى ورگان. سونداي-اق 2021 جىلى 180 مەكەمەنٸڭ رەسمي سايتىنا مونيتورينگ جٷرگٸزٸلدٸ. وسى مونيتورينگٸنٸڭ قورىتىندىسى بويىنشا 197 ەسكەرتۋ حاتتارى جولدانىپ, 89 مەكەمە تٷزەتۋلەر ەنگٸزدٸ.
ۆيتسە-پرەمەر سوڭعى جىلدارى مەملەكەتتٸك تٸل مەسەلەسٸن كٶتەرٸپ جٷرگەن ازاماتتار مەن باستاماشىل توپتار قاتارى ارتىپ كەلە جاتقانىن اتاپ ٶتتٸ. بۇل باعىتتاعى مەسەلەلەردٸ شەشۋ ٷشٸن تيٸستٸ مەملەكەتتٸك ورگاندارعا ناقتى تاپسىرمالار بەردٸ.
اتاپ ايتقاندا, جاڭا ەرٸ كٶپشٸلٸككە قىزىقتى كونتەنتتٸ قالىپتاستىرۋ ٷشٸن ساپالى اۋدارماشى ماماندار پۋلىن قالىپتاستىرۋدى جٷكتەدٸ. تٸلدٸ ٷيرەتۋگە كٶمەكتەسەتٸن, قولايلى قوسىمشالاردى دامىتۋدىڭ ماڭىزدىلىعىن ەسكەرە وتىرىپ, اعىلشىن تٸلٸن ٷيرەتۋگە ارنالعان قوسىمشالاردى جان-جاقتى زەردەلەۋدٸ تاپسىردى.
ەرالى توعجانوۆ كينولاردىڭ قازاق تٸلٸندەگٸ اۋدارمالارىن سىنعا الىپ, قازاقشا مۋلتفيلمدەردٸڭ دە ساپاسىن ارتتىرۋ قاجەتتٸگٸن ايتتى.
مەملەكەت باسشىسىنىڭ 2021 جىلعى قازاقستان حالقىنا جولداۋىندا ايتىلعان تاپسىرمانى ٸسكە اسىرۋ ٷشٸن ٷكٸمەت باسشىسىنىڭ ورىنباسارى جاڭا قازاقستاندىق مەدەنيەتتٸ قالىپتاستىرۋ جٶنٸندەگٸ شارالار جوسپارى اياسىندا قازاق تٸلٸندەگٸ تولىقمەتراجدى 2 مۋلتفيلم, 10 مۋلتسەريال, 10 بالالار تەلە-باعدارلاماسىن, 20 بالالار ەدەبيەتٸ شىعارماسىن, 30 ساپالى اۋدارما ەزٸرلەۋ بويىنشا ۇسىنىستاردى پىسىقتاپ ەنگٸزۋدٸ تاپسىردى. سونىمەن قاتار بالالار ەدەبيەتٸن دامىتۋ اياسىندا قازاق تٸلٸندە جەڭٸل تٸلمەن جازىلعان شىعارمالاردىڭ بارلىق بالالار ٷشٸن قولجەتٸمدٸ بولۋىن جەنە مۇنداي شىعارمالاردى بالالار اراسىندا كەڭٸنەن جارنامالاۋدىڭ ماڭىزدىلىعىن جەتكٸزدٸ.
مەملەكەتتٸك قىزمەت ٸستەرٸ اگەنتتٸگٸنە مەملەكەتتٸك ورگانداردا جەنە ۇلتتىق كومپانييالاردا مەملەكەتتٸك تٸلدٸڭ قولدانىس اياسىن كەڭەيتۋ جٶنٸندەگٸ ۇسىنىستاردى, كەڭەستەردٸڭ قازاق تٸلٸندە ٶتۋٸ, قۇجاتتاردىڭ مەملەكەتتٸك تٸلدە دايىندالۋى بويىنشا كريتەرييلەردٸ ەنگٸزۋ جٷكتەلدٸ.
بٷگٸنگٸ كٷنٸ «حالىقارالىق «قازاق تٸلٸ قوعامى» قوعامدىق بٸرلەستٸگٸنٸڭ 15 وبلىستىق, 27 اۋداندىق فيليالى, 1663 باستاۋىش ۇيىمدارى بار. مەملەكەتٸك تٸلدٸ دامىتۋ اياسىندا ٶڭٸرلەردە قازاق تٸلٸ قوعامىنىڭ جاڭا فيليالدارىن قايتا قۇرۋ قاجەتتٸلٸگٸ اتاپ ٶتٸلدٸ.
