Amerikalyq Time jýrnaly AQSh-taǵy prezident sailaýynda jeńgen Djo Baiden men vitse-prezident qyzmetin atqaratyn Kamala Harristi "jyl adamdary" dep tanydy. Olardyń sýreti 1927 jyldan beri "jyl adamyn" tańdap kele jatqan jýrnaldyń alǵashqy betine jariialanady.
Biyl "Jyl adamy" ataǵynan úmitkerler qatarynda 3 qarasha kúngi sailaýda Baidennen jeńilgen AQSh-tyń qazirgi prezidenti Donald Tramp, koronavirýs indetimen kúresken dárigerler, "Qaralardyń ómiri qundy" dep uran kóterip, násildik teńdikti talap etken AQSh-taǵy birqatar belsendiler bolǵan.
"Baiden men Harris esimi tarihta qaldy" dep jazdy Time jýrnaly Twitter-de.
Jýrnalda jaryq kórgen maqalada Baiden men Harriske "alalaýdan góri ózgeniń jaǵdaiyna ýaiymdaý mańyzdyraq" ekenin kórsetip "Amerika tarihyn ózgertkeni" úshin "jyl adamdary" titýly berildi dep jazylǵan.
Baiden - AQSh tarihyndaǵy jasy eń úlken prezident, al Harris vitse-prezident retinde tańdalǵan alǵashqy áiel atanaiyn dep tur.
2016 jyly Time jýrnaly sol kezde prezident sailaýynda jeńgen Trampty "Jyl adamy" dep tanyǵan.
Redaktsiia "jyl adamy" ataǵy álemdegi oqiǵalarǵa yqpal etken adamdarǵa beriledi, biraq ataq berý redaktsiianyń olardy qoldaitynyn bildirmeidi dep eskertedi. Byltyr Adolf Gitler men Iosif Stalin "jyl adamdary" atanǵan. 2017 jyly bul titýlǵa Resei prezidenti Vladimir Pýtin ie bolǵan.
