امەريكالىق Time جۋرنالى اقش-تاعى پرەزيدەنت سايلاۋىندا جەڭگەن دجو بايدەن مەن ۆيتسە-پرەزيدەنت قىزمەتٸن اتقاراتىن كامالا حارريستٸ "جىل ادامدارى" دەپ تانىدى. ولاردىڭ سۋرەتٸ 1927 جىلدان بەرٸ "جىل ادامىن" تاڭداپ كەلە جاتقان جۋرنالدىڭ العاشقى بەتٸنە جارييالانادى.
بيىل "جىل ادامى" اتاعىنان ٷمٸتكەرلەر قاتارىندا 3 قاراشا كٷنگٸ سايلاۋدا بايدەننەن جەڭٸلگەن اقش-تىڭ قازٸرگٸ پرەزيدەنتٸ دونالد ترامپ, كوروناۆيرۋس ٸندەتٸمەن كٷرەسكەن دەرٸگەرلەر, "قارالاردىڭ ٶمٸرٸ قۇندى" دەپ ۇران كٶتەرٸپ, نەسٸلدٸك تەڭدٸكتٸ تالاپ ەتكەن اقش-تاعى بٸرقاتار بەلسەندٸلەر بولعان.
"بايدەن مەن حارريس ەسٸمٸ تاريحتا قالدى" دەپ جازدى Time جۋرنالى Twitter-دە.
جۋرنالدا جارىق كٶرگەن ماقالادا بايدەن مەن حارريسكە "الالاۋدان گٶرٸ ٶزگەنٸڭ جاعدايىنا ۋايىمداۋ ماڭىزدىراق" ەكەنٸن كٶرسەتٸپ "امەريكا تاريحىن ٶزگەرتكەنٸ" ٷشٸن "جىل ادامدارى" تيتۋلى بەرٸلدٸ دەپ جازىلعان.
بايدەن - اقش تاريحىنداعى جاسى ەڭ ٷلكەن پرەزيدەنت, ال حارريس ۆيتسە-پرەزيدەنت رەتٸندە تاڭدالعان العاشقى ەيەل اتانايىن دەپ تۇر.
2016 جىلى Time جۋرنالى سول كەزدە پرەزيدەنت سايلاۋىندا جەڭگەن ترامپتى "جىل ادامى" دەپ تانىعان.
رەداكتسييا "جىل ادامى" اتاعى ەلەمدەگٸ وقيعالارعا ىقپال ەتكەن ادامدارعا بەرٸلەدٸ, بٸراق اتاق بەرۋ رەداكتسييانىڭ ولاردى قولدايتىنىن بٸلدٸرمەيدٸ دەپ ەسكەرتەدٸ. بىلتىر ادولف گيتلەر مەن يوسيف ستالين "جىل ادامدارى" اتانعان. 2017 جىلى بۇل تيتۋلعا رەسەي پرەزيدەنتٸ ۆلاديمير پۋتين يە بولعان.
