Mańǵystaý oblysynyń ákimdigi tikushaq apatynan qaza tapqan áskeri qyzmetkerlerdiń otbasyna 1 million teńgeden kómek beriledi, dep habarlaidy QazAqparat tilshisi.
Búgin oblys ákimi Eraly Toǵjanov qulaǵan tikushaqtyń tizgininde bolǵan eskadrilia komandiriniń orynbasary, maior Roman Kostygovtyń otbasyna baryp, kóńil aityp qajetti kómektiń kórsetiletinin jetkizdi.
«Qaiǵyly oqiǵada qaza tapqan, Mańǵystaýda 30153 áskeri bóliminde áskeri mindetin atqaryp júrip, marqum bolǵan qyzmetkerlerdiń otbasyna Mańǵystaý oblysy ákimdigi atynan 1 million teńge kólemindi materialdy kómek kórsetiledi»-dedi oblys ákimi Eraly Toǵjanov.
Eske sala ketsek, QR IIM TJK baspasóz qyzmeti buǵan deiin Qyzylorda oblysynyń Jalaǵash aýdanynda MI-8 tikushaǵy apatqa ushyraǵanyn habarlaǵan bolatyn.
Qorǵanys ministrliginiń aqparatyna sáikes, atalǵan tikushaq 4 birdei áskeri tikushaq quramynan turatyn bólimmen birge Aqtaý qalasynan Shymkentke ushyp bara jatqan. Ushý sapary arnaiy bólimshelerdiń «Altyn jebe» keshendi oqý jáne jattyǵý aiasynda qarańǵyda ári kúrdeli meteorologiialyq jaǵdaida júrgizilgen.
Tikushaqta bolǵan 13 adam qaza tapty.
