Qyzylorda oblysyndaǵy tikushaq apatynan qaza bolǵandar arasynda Aqtóbe oblysynyń týmasy efreitor Ómirhan Qaýqaev bar, dep habarlaidy "Ult aqparat".
«Qyzylorda oblysynyń Jalaǵash aýdanyndaǵy qaiǵyly oqiǵa kezinde eki aqtóbelik turǵyn qaza tapty. Olar: maior Daniiar Qońyrbai jáne efreitor Ómirhan Qaýqaev. Ómirhan Qaýqaevtyń týystary Mártók aýdanynyń, Mártók aýylynda turady. Ol Aqtaý qalasynyń 30153 áskeri bóliminde kelisimshart boiynsha qyzmet etken. 28 jastaǵy jigittiń bir uly bar. Oblys ákimi Ońdasyn Orazalinniń tapsyrmasyna sáikes, qaza bolǵandardyń týǵan-týystaryna jerleý rásimin uiymdastyrýǵa jan-jaqty kómek kórsetiledi», - dep málimdedi oblys ákiminiń baspasóz qyzmeti.
Eske sala ketsek, QR IIM TJK baspasóz qyzmeti buǵan deiin Qyzylorda oblysynyń Jalaǵash aýdanynda MI-8 tikushaǵy apatqa ushyraǵanyn habarlaǵan bolatyn.
Qorǵanys ministrliginiń aqparatyna sáikes, atalǵan tikushaq 4 birdei áskeri tikushaq quramynan turatyn bólimmen birge Aqtaý qalasynan Shymkentke ushyp bara jatqan. Ushý sapary arnaiy bólimshelerdiń «Altyn jebe» keshendi oqý jáne jattyǵý aiasynda qarańǵyda ári kúrdeli meteorologiialyq jaǵdaida júrgizilgen.
Tikushaqta bolǵan 13 adam qaza tapty.
