Mańǵystaý oblysynda kólik qozǵalysy kezinde terezeden beline deiin shyǵyp alǵan bloger men júrgizýshi ákimshilik jaýapkershilikke tartyldy. Olardyń áreketi áleýmettik jelide taralǵan videodan keiin politsiianyń nazaryna ilikken, dep habarlaidy ult.kz.
Jelide jariialanǵan videoda boijetkenniń qozǵalystaǵy avtokóliktiń terezesinen beline deiin shyǵyp turǵany kórinedi. Keibir buqaralyq aqparat quraldarynyń málimetinshe, ol – 2,3 million oqyrmany bar TikTok blogeri.
Mańǵystaý oblystyq politsiia departamentiniń habarlaýynsha, tártip saqshylary jol qozǵalysy erejesin óreskel buzǵan júrgizýshilerdi anyqtaǵan.
«Júrgizýshilerdiń jeke basy anyqtaldy. Olar jolaýshylardy tasymaldaý kezinde jol qozǵalysy erejeleriniń talaptaryn saqtamaǵan. Sonymen qatar manevr jasaý aldynda tiisti belgi bermegen jáne basqa kólik quraldarynyń qozǵalysyna kedergi keltirgeni úshin ákimshilik jaýapkershilikke tartyldy», – dep málimdedi politsiia.
Tártip buzýǵa qatysy bar kólikter arnaiy aiyp turaǵyna qoiyldy.
