ماڭعىستاۋ وبلىسىندا كٶلٸك قوزعالىسى كەزٸندە تەرەزەدەن بەلٸنە دەيٸن شىعىپ العان بلوگەر مەن جٷرگٸزۋشٸ ەكٸمشٸلٸك جاۋاپكەرشٸلٸككە تارتىلدى. ولاردىڭ ەرەكەتٸ ەلەۋمەتتٸك جەلٸدە تارالعان ۆيدەودان كەيٸن پوليتسييانىڭ نازارىنا ٸلٸككەن, دەپ حابارلايدى ult.kz.
جەلٸدە جارييالانعان ۆيدەودا بويجەتكەننٸڭ قوزعالىستاعى اۆتوكٶلٸكتٸڭ تەرەزەسٸنەن بەلٸنە دەيٸن شىعىپ تۇرعانى كٶرٸنەدٸ. كەيبٸر بۇقارالىق اقپارات قۇرالدارىنىڭ مەلٸمەتٸنشە, ول – 2,3 ميلليون وقىرمانى بار TikTok بلوگەرٸ.
ماڭعىستاۋ وبلىستىق پوليتسييا دەپارتامەنتٸنٸڭ حابارلاۋىنشا, تەرتٸپ ساقشىلارى جول قوزعالىسى ەرەجەسٸن ٶرەسكەل بۇزعان جٷرگٸزۋشٸلەردٸ انىقتاعان.
«جٷرگٸزۋشٸلەردٸڭ جەكە باسى انىقتالدى. ولار جولاۋشىلاردى تاسىمالداۋ كەزٸندە جول قوزعالىسى ەرەجەلەرٸنٸڭ تالاپتارىن ساقتاماعان. سونىمەن قاتار مانەۆر جاساۋ الدىندا تيٸستٸ بەلگٸ بەرمەگەن جەنە باسقا كٶلٸك قۇرالدارىنىڭ قوزعالىسىنا كەدەرگٸ كەلتٸرگەنٸ ٷشٸن ەكٸمشٸلٸك جاۋاپكەرشٸلٸككە تارتىلدى», – دەپ مەلٸمدەدٸ پوليتسييا.
تەرتٸپ بۇزۋعا قاتىسى بار كٶلٸكتەر ارنايى ايىپ تۇراعىنا قويىلدى.
