Almaty metrosynda tańerteń ONAY júiesinde tehnikalyq aqaý bolyp, stantsiialarda uzyn-sonar kezek paida boldy, dep habarlaidy ult.kz Kriminalnyi Kazahstan telegram arnasyna silteme jasap.
Saǵat 6:30-dan 9:30-ǵa deiin barlyq stantsiiada ONAY QR-kodtary arqyly jol aqysyn tóleý múmkin bolmaǵan. Sonyń saldarynan týrniketter aldynda jolaýshylar kóp jinaldy.
Almatylyqtar áleýmettik jelilerde metroǵa kireberiste jinalǵan adamdardyń videolaryn jariialap, kezekke bailanysty kópshiliktiń jumys pen sabaqqa keshikkenin jazdy.
Eske salaiyq, buǵan deiin ONAY júiesinde reseilik «Zolotaia Korona» tólem júiesiniń komponenti qoldanylatyny belgili bolyp, qoǵamda talqylaý týyndaǵan edi. Kólik holdinginde bul komponenttiń tek tehnikalyq qyzmet atqaratynyn jáne jolaýshylardyń derbes derekteri Resei tarapyna berilmeitinin málimdegen bolatyn.
