Óskemen qalasynda ákesiniń kámeletke tolmaǵan qyzyn týǵan kúnimen quttyqtap, erninen súigen videosy áleýmettik jelilerde tarady. Jazba qoǵamda túrli pikir týǵyzyp, oqiǵaǵa qatysty quqyq qorǵaý organdarynyń tekserý júrgizýi qajettigi aitylýda, dep habarlaidy ult.kz.
Aldymen egov.press Telegram arnasynda atalǵan video jariialanyp, onda qyzdyń ákesiniń áreketi oǵash kórinetini jazyldy. Arna avtorlary quqyq qorǵaý organdaryn tiisti tekserý júrgizýge shaqyrdy.
Keiin áleýmettik jelide qyzdyń ákesi oqiǵaǵa qatysty syn aitqan azamattarǵa jaýap berdi. Ol óz áreketin synaǵan adamdardy «It úredi, kerýen kóshedi» degen maqalmen salystyryp, ózin tek aqylǵa salyp oilaityn adamdar ǵana túsine alatynyn málimdegen. Al qyzdyń anasy belgili bir azamattarǵa qoldaý kórsetkeni úshin alǵys bildirgen.
Oqiǵa jelide bala qaýipsizdigi men onyń psihologiialyq jaǵdaiyna qatysty máselelerdi qaita kóterdi. Mundai jaǵdaida eń aldymen kámeletke tolmaǵan balanyń múddesi eskerilýi kerek.
