Foto: tiktokk.ru
Aqparat jáne qoǵamdyq damý ministri Darhan Qydyráli qazaq tilinde kontent jasaýshylardyń VI forýmynda onlain platformalardaǵy qazaqsha kontenttiń úlesi 87 paiyzǵa jetkenin aitty, dep habarlaidy QazAqparat.
«Úshinshi baǵytymyz – qazaq tildi kontentti damytý. Bul baǵytta jańa aityp ketken doktrina boiynsha naqty sharalar josparyn bekitkenbiz. Qazirgi kezeńde qazaq tilinde memlekettik BAQ-taǵy ortasha statistika – 85 protsent. Biz muny taǵy da arttyrýdy kózdep otyrmyz. Ásirese onlain platformalarda 87 protsentke deiin (qazaq tilinde kontent - red.) ósti. Sany da, sapasy da artyp keledi. Sondyqtan jalpy myna kreativti indýstriiaǵa, serialdarǵa, basqa da ónimderimizge ishki naryqta ǵana emes, syrtta da suranys kóp», - dedi ministr.
Onyń sózinshe, bul saladaǵy álemniń alpaýyt kompaniialary Qazaqstan naryǵyna qyzyǵýshylyq tanytyp otyr.
«Sonyń ishinde ókildikterin ashý máselesi, Qazaqstanda tirkelý, interfeisterin qazaqshalaý máselesi sheshimin taýyp jatyr. Mysaly TikTok bizdiń usynysymyz boiynsha interfeisin qazaqshalady. Jalpy TikTok-pen balalar quqyqtary, basqa da máseleler boiynsha kelissózderdi bastap kettik.
Mamyr aiynyń sońynda jańa media forýmyn ótkizemiz. Soǵan barshańyzdy shaqyramyz. Ol jerde biz jasandy zeiin jóninde keńirek áńgimeleimiz dep oilaimyn», - dedi ministr.
