فوتو: tiktokk.ru
اقپارات جەنە قوعامدىق دامۋ مينيسترٸ دارحان قىدىرەلٸ قازاق تٸلٸندە كونتەنت جاساۋشىلاردىڭ VI فورۋمىندا ونلاين پلاتفورمالارداعى قازاقشا كونتەنتتٸڭ ٷلەسٸ 87 پايىزعا جەتكەنٸن ايتتى, دەپ حابارلايدى قازاقپارات.
«ٷشٸنشٸ باعىتىمىز – قازاق تٸلدٸ كونتەنتتٸ دامىتۋ. بۇل باعىتتا جاڭا ايتىپ كەتكەن دوكترينا بويىنشا ناقتى شارالار جوسپارىن بەكٸتكەنبٸز. قازٸرگٸ كەزەڭدە قازاق تٸلٸندە مەملەكەتتٸك باق-تاعى ورتاشا ستاتيستيكا – 85 پروتسەنت. بٸز مۇنى تاعى دا ارتتىرۋدى كٶزدەپ وتىرمىز. ەسٸرەسە ونلاين پلاتفورمالاردا 87 پروتسەنتكە دەيٸن (قازاق تٸلٸندە كونتەنت - رەد.) ٶستٸ. سانى دا, ساپاسى دا ارتىپ كەلەدٸ. سوندىقتان جالپى مىنا كرەاتيۆتٸ يندۋستريياعا, سەريالدارعا, باسقا دا ٶنٸمدەرٸمٸزگە ٸشكٸ نارىقتا عانا ەمەس, سىرتتا دا سۇرانىس كٶپ», - دەدٸ مينيستر.
ونىڭ سٶزٸنشە, بۇل سالاداعى ەلەمنٸڭ الپاۋىت كومپانييالارى قازاقستان نارىعىنا قىزىعۋشىلىق تانىتىپ وتىر.
«سونىڭ ٸشٸندە ٶكٸلدٸكتەرٸن اشۋ مەسەلەسٸ, قازاقستاندا تٸركەلۋ, ينتەرفەيستەرٸن قازاقشالاۋ مەسەلەسٸ شەشٸمٸن تاۋىپ جاتىر. مىسالى TikTok بٸزدٸڭ ۇسىنىسىمىز بويىنشا ينتەرفەيسٸن قازاقشالادى. جالپى TikTok-پەن بالالار قۇقىقتارى, باسقا دا مەسەلەلەر بويىنشا كەلٸسسٶزدەردٸ باستاپ كەتتٸك.
مامىر ايىنىڭ سوڭىندا جاڭا مەديا فورۋمىن ٶتكٸزەمٸز. سوعان بارشاڭىزدى شاقىرامىز. ول جەردە بٸز جاساندى زەيٸن جٶنٸندە كەڭٸرەك ەڭگٸمەلەيمٸز دەپ ويلايمىن», - دەدٸ مينيستر.
