Jeńil avtokólik aiaq astynan órtenip, oqiǵa kýágerleriniń kómegimen tilsiz jaý sóndirildi, dep habarlaidy ult.kz, vietnam.vn-ge silteme qaldyra otyryp.
Aldyn ala málimet boiynsha, tórt oryndyq jeńil kólik tehnikalyq aqaýǵa bailanysty jol jiegine toqtatylyp, mehaniktiń tekserýinen ótip jatqan. Sol sátte kóliktiń qozǵaltqysh bóliginen kenetten qoiý tútin shyǵyp, artynsha jalyn tutanǵan.
Órtti baiqaǵan jergilikti turǵyndar júrgizýshige dereý kómekke kelip, kapotty ashyp, qozǵaltqysh bóligine sý quiǵan. Jalyndy tolyq sóndirýge shamamen 10 minýt ýaqyt ketken.
Júrgizýshiniń aitýynsha, bastapqyda kóliktiń tejegish júiesinde aqaý paida bolǵandyqtan, ol kólikti toqtatyp, jóndetýge májbúr bolǵan. Keiin qozǵaltqyshty qaita iske qosqan kezde motor bóliginen órt shyqqan.
Oqiǵa saldarynan zardap shekkender joq. Qazir órttiń naqty shyǵý sebebi anyqtalyp jatyr.
Oqiǵa 19 shilde kúni keshki saǵat 18:00 shamasynda Vetnamnyń Hoshimin qalasyndaǵy Fýok Thang aýdanynda, Kaý Chai jáne 2/9 kósheleriniń qiylysynda bolǵan.
