Prezidentimizdiń jaqynda jaryq kórgen «Uly Dala ulaǵattary» atty eńbegimen tanysqan soń, onyń biik parasaty men keleshekti búginnen oilap-boljai biletin uly qasietine taǵy bir tánti boldyq. Ult kóshbasshysy bul týyndysynda el men jerdiń taǵdyr-talaiyn, til men din jaiyn, urpaq tárbiesin, basqa da kóptegen máselelerdi adami tolǵanyspen, ordaly oidy sheshen tilmen jetkize baiandaǵan eken.
Tuǵyry biik týyndyny «Egemen Qazaqstan» gazetinen oqyp, ziialy qaýym arasynda týǵan pikirimizdi bildirýdi jón kórip otyrmyn. «Óz elińe paidaly bolý, óz Otanyńnyń taǵdyry úshin jaýapty bolý – árbir otandyq saiasatkerdiń, árbir qazaqstandyqtyń boryshy men ar-ojdany», dep Elbasy osy eńbeginde oryndy eskertkendei, ár azamat el men jer aldyndaǵy paryzyn esten shyǵarmaýy kerek.
«El bolýdyń, memleket bolýdyń jón-jobasyn kórsetip bergen, kómekke kelgen eshkim bolǵan joq. Biz bárin de tyńnan bastap, halqymyzben birge qalyptastyrdyq. Joqtan bar jasadyq, bardy berekege ainaldyrdyq, sol yrysty ósý men órkendeýdiń negizi etip aldyq», dep jazady Prezident. Shynynda da, munyń bári aitýǵa ǵana ońai. Ǵalamdyq úrdis yryq bermei, balapan basyna, turymtai tusyna ketken tusta Qazaqstan men onyń halqy kimge kerek bolyp edi?! Tizerlep qalǵan eldiń ornynan qaita turyp, nyq basyp ketýi ońaiǵa soqqan joq. Sol bir qiyn-qystaý shaqta halqyna demeý bolyp, elin alǵa súiregen Nursultan Nazarbaevtai tulǵa qazaqtyń baǵyna týǵan dep súiinemiz.
Jiyrma bes jyl merzim bizdiń memleketimiz úshin qalyptasý kezeńi bolyp qana qoiǵan joq, búgingi kúni elimiz ózgelerge úlgi bolatyn deńgeige jetti. Órkeniet kóshiniń bel ortasynan oryn aldyq. El Táýelsizdigimen tel ósken urpaq álemniń mańdaialdy elderindegi qatarlastarymen úzeńgi qaǵystyratyn boldy. Bizdiń búgingi oqýshy, stýdent jastarymyz bilim berýdiń álemdegi ozyq baǵdarlamalary boiynsha oqyp, zamanaýi tehnologiialardy erkin meńgerip júr. «Endigi bolashaq solardyń qolynda. Biz olarǵa osy bir táýelsiz memlekettiń keleshek taǵdyryn senip tapsyramyz, – deidi N.Nazarbaev.
Ata Zańymyzda kórsetilgendei, Qazaqstan – zaiyrly memleket. Din men memleket bir-biriniń isine aralaspaidy. Alaida, eger din memleket damýyna keri yqpal etetin bolsa, oǵan tosqaýyl qoiylýy tiis. Óitpegen kúnde, elde túrli bassyzdyqtar beleń alýy ábden múmkin. Elbasy eńbeginde bul týraly da jan-jaqty baiandalyp, parasatty paiym jasalǵan eken.
«Men úshin elimdi damyǵan memleketterdiń sapyna turǵyzyp, sanatyna qosýdan úlken maqsat joq», deidi Qazaqstan Respýblikasynyń Prezidenti Nursultan Ábishuly Nazarbaev. Júregi elim dep, jerim dep soqqan asqaq tulǵanyń osynaý jan tebirenisi kim-kimdi de emirenteri anyq. «Uly Dala ulaǵattary» – sanadaǵy talai suraqqa tushymdy jaýap ta beretin, tyńnan oi da týǵyzatyn tamasha týyndy.
Arstan ǴAZALIEV,
Qaraǵandy memlekettik tehnikalyq ýniversitetiniń rektory,
akademik, Memlekettik syilyqtyń laýreaty
Tereń paiymdy tebirenis
Biyl meniń «Ijevskii» agrokeshenindegi direktorlyq ótilim 50 jylǵa tolyp otyr. Osy ýaqyt aralyǵynda kóp nárseni kórdim, kóńilge túidim. Ómirdiń ózi ustaz boldy, tálimgerler arasynda Táýelsiz Qazaqstannyń Tuńǵysh Prezidenti Nursultan Ábishuly Nazarbaevty airyqsha qurmetteimin. El ishi men shetelderge saparlas ta boldyq, bizdiń sharýashylyǵymyzǵa jii at basyn buryp turdy. Tereń paiymdy, zańǵar oily áńgimelerine qanyqpyn, kitaptary úiimniń tórinde turady.
Elbasy Táýelsizdigimizdiń 25 jyldyǵy qarsańynda «Uly Dala ulaǵattary» atty eńbegin jariialap otyr. Eńbektiń óneboiy tunyp turǵan taǵylym, halyq kóshin alǵa bastar dańǵyl jol dep túidim. Barshamyzdyń boiymyzǵa bolashaqtyń jarqyn senimin qalyptastyrady, oǵan jetýdiń joldaryn kórsetedi. Ásirese, eńbektiń Qazaqstan astanalarynyń mán-mańyzynan bastalýy kóp nárseni ańǵartady.
Astana – ulttyq murattardyń uiasy. Nursultan Ábishulynyń osy eńbeginde: «Elordamyzdyń irgetasyn myqtap qalap alǵanymyzdyń ózi bile bilgenge, asa mańyzdy, máńgilik máni bar tarihi sheshim boldy», deýi osydan. Bul shyn máninde Táýelsizdigimizdiń eleń-alańyndaǵy geosaiasi máseleler turǵysynan qaraǵanda danyshpandyq qadam ekenin ýaqyt dáleldedi. Qazaqstannyń úni shartarapqa jańa bolmysymyzben jetip tur. Astana tórinde halyqaralyq forýmdar, sammitter, simpoziýmdar, quryltailar ótkizildi. Elbasynyń sózimen aitqanda, «Biz osynaý uly basqosýlardyń arqasynda ai astyndaǵy abyroily Alash jurtynyń dańqyn asqaqtattyq. Ózimizdi tanyttyq, memlekettik ǵumyrnamamyzdy baiyttyq».
Qazaq halqynyń «Kishkentai úi úlken otaýǵa qaraidy» degen dana maqalyn men de qaitalaǵym keledi. Astarynda orasan rýhani qýat bar. Elimiz ordaly otaý – Astanaǵa qarap boi túzeýde. Bizdiń «Ijevskii» Astananyń aglomeratsiialyq aimaǵynda ornalasqandyqtan, júkteler mindettiń jaýapkershiligin jaqsy túsinemiz. Astananyń azyq-túlik beldeýin qalyptastyrýdy abyroily mártebe sanaimyz.
Ibragim JANǴORAZOV,
«Ijevskii» JShS direktory, Sotsialistik Eńbek Eri,
«Dostyq» ordeniniń iegeri
Aqmola oblysy,
Arshaly aýdany
Basty bailyǵymyz – birlik
Bas basylymda jariialanǵan Elbasymyz Nursultan Nazarbaevtyń «Uly Dala ulaǵattary» atty eńbegin úlken tebirenis ústinde oqydym. Óitkeni, onda bizdiń memlekettigimizdi qalyptastyrýshy erek tulǵanyń el-jurty týraly tushymdy tolǵanystar tunyp tur.
Biyl Qazaqstan Táýelsizdigine – 25 jyl. Memleket basshysy osy shirek ǵasyr ishinde halqymyzdyń qandai qýanyshty hám qiyndyqty kezeńderdi artqa tastaǵanyn túsinikti ári tamasha baiandaidy. Bul shyǵarma bizge, qarapaiym oqyrmanǵa, qabyrǵaly qalyń elge Elbasynyń oiy men saiasatynyń júlgesin tanyta otyryp, keibir tarihi sheshimderdiń tereńine úńildiredi, astaryna boilatady.
Bul shyn máninde bizdiń eldigimizdiń shirek ǵasyrlyq kezeńindegi jetken jetistikteriniń adami turǵydan saralanýy, halyqtyq turǵydan baǵalanýy, álemdik turǵydan tanylýy desek bolady. Biz, qazaqstandyqtar, ótkenge salaýat aityp, keleshekke amanat tapsyra bilgen tamyry tereń elmiz.
Ádettegidei, bul týyndyda da Prezidentimizdiń parasaty halyqtyń birligine syzat túsirmeý jolyndaǵy sarabdal saiasatymen kórindi. Bul maidan qyl sýyrǵandai názik ustanym barlyq baǵdarlamalardy júzege asyrýdan da qiyn. «Bailyq – bailyq emes, birlik – bailyq» degen sóz bar. Nursultan Ábishuly ǵasyrlar toǵysyndaǵy táýelsizdikti turaqtylyq pen kelisim arqyly baiandy etýge umtylǵan saiasatker. Bul jolda ǵasyrlar boiy qalyptasqan ulttyq bolmys-bitimniń alatyn orny zor. Elbasy – qazaqtyń qanshama ǵasyrlar boiy qalyptasqan qasietteriniń qajettisin el múddesine utymdy paidalana bilgen suńǵyla basshymyz. Aitalyq, alapat kesapattar men zobalańdardan ótken halyqtyń tózimdiligi qandai bolsa, baýyrmaldyǵy da sondai. Osy keń qoltyq qazaqtyń jaqsylyǵyn kórgen ult pen ulystyń ókilderi búginde bir úidiń balasyndai tatý-tátti ómir súrýde. Qazaq muny «kórshi aqysy – qudai aqysy», «birlik bolsa, tirlik bolady» degen maqal-mátelderimen árdaiym shegendep otyrady. Elbasy da kópshilik birligin bárinen joǵary qoia bilgendigimen el kóńilinen shyǵyp keledi. Máńgilik Eldi tuǵyrly etýdiń aqiqatty alǵysharty – birlik. Uly Dala ulaǵaty – ult pen ulystyń tatýlyǵy. Elbasy eńbegi osy oidy tarata bilýimen tartymdy.
Nadejda ShÝShANIKOVA,
oblystyq lingvistikalyq ortalyǵynyń
qazaq tili pániniń oqytýshysy, filologiia magistri
ÓSKEMEN
.jpeg)