Sáýir men mamyr ailarynda terrorizm jáne ekstremistik qylmystar jasaǵany úshin 13 adam sottaldy. Qylmystyq isterdi Ulttyq qaýipsizdik komiteti tergegen, dep habarlaidy ult.kz.
Vedomstvonyń baspasóz qyzmetiniń málimetinshe, sottalǵandardyń biri Astana turǵyny áleýmettik jelilerde terroristik ideologiiany nasihattap, adamdardy terrorlyq belsendilik aimaqtaryna barýǵa úgittegen. Sot sheshimimen ol 8 jylǵa bas bostandyǵynan aiyryldy.
Taǵy bir is boiynsha Shymkent týmasy ainalasyndaǵylardy Qazaqstan aýmaǵynda teokratiialyq memleket qurýǵa shaqyryp, terroristik sipattaǵy ideialardy taratqany úshin 7 jylǵa sottaldy.
Osy kezeńde Astana, Almaty, Shymkent qalalarynda, sondai-aq Atyraý, Aqtóbe, Jambyl oblysy, Qaraǵandy, Túrkistan jáne Abai oblysy aýmaqtarynda osyndai qylmystarǵa qatysy bar degen kúdikpen 11 adam ustaldy. Olardyń qatarynda eki shetel azamaty jáne shetelden ekstraditsiialanǵan úsh qazaqstandyq bar.
Kúdiktilerdiń internette jáne ainalasynda ekstremistik mazmundaǵy materialdar taratqany, sondai-aq zorlyq-zombylyqqa jáne radikaldy áreketterge shaqyrǵany anyqtalǵan.
Qazirgi tańda bul ister boiynsha sotqa deiingi tergeý amaldary jalǵasyp jatyr.
