Qazaqstannyń birinshi, álemniń 17-raketkasy Elena Rybakina Máskeýdegi Kreml kýbogy WTA 500 týrniriniń ekinshi ainalymyna shyǵa almady, dep habarlaidy QazAqparat.
Jarystyń 7-raketkasy bolyp tirkelgen qazaqstandyq tennisshi alǵashqy ainalymda dúniejúzilik reitingte 35-orynda turǵan chehiialyq Marketa Vondroýshovamen sheberlik baiqasty.
Birinshi partiiada esep 4:4 bolǵan mezette chehiialyq sportshy taǵy bir breik jasap, sosyn setti óz paidasyna sheshti – 6:4.
Ekinshi sette de esep 4:4 bolǵanda, Rybakinanyń qateligin paidalanǵan Vondroýshova breik jasap ketti. Sosyn matchqa dop bergende, óz múmkindigin jibergen joq – 6:4.
1 saǵat 23 minýtqa sozylǵan match barysynda E.Rybakina 2 eis jasap, 4 breik-pointtyń jartysyn paidalandy. Qarsylasy 2 eis, 4 breikke (11 breik-point) qol jetkizdi.
M.Vondroýshova júlde qory 565 myń AQSh dollarynan asatyn dodanyń shirek finalyna shyǵý úshin reitingte 145-satydaǵy ýkrainalyq Lesia Tsýrenkomen talasady.
