قازاقستاننىڭ بٸرٸنشٸ, ەلەمنٸڭ 17-راكەتكاسى ەلەنا رىباكينا مەسكەۋدەگٸ كرەمل كۋبوگى WTA 500 تۋرنيرٸنٸڭ ەكٸنشٸ اينالىمىنا شىعا المادى, دەپ حابارلايدى قازاقپارات.
جارىستىڭ 7-راكەتكاسى بولىپ تٸركەلگەن قازاقستاندىق تەننيسشٸ العاشقى اينالىمدا دٷنيەجٷزٸلٸك رەيتينگتە 35-ورىندا تۇرعان چەحييالىق ماركەتا ۆوندروۋشوۆامەن شەبەرلٸك بايقاستى.
بٸرٸنشٸ پارتييادا ەسەپ 4:4 بولعان مەزەتتە چەحييالىق سپورتشى تاعى بٸر برەيك جاساپ, سوسىن سەتتٸ ٶز پايداسىنا شەشتٸ – 6:4.
ەكٸنشٸ سەتتە دە ەسەپ 4:4 بولعاندا, رىباكينانىڭ قاتەلٸگٸن پايدالانعان ۆوندروۋشوۆا برەيك جاساپ كەتتٸ. سوسىن ماتچقا دوپ بەرگەندە, ٶز مٷمكٸندٸگٸن جٸبەرگەن جوق – 6:4.
1 ساعات 23 مينۋتقا سوزىلعان ماتچ بارىسىندا ە.رىباكينا 2 ەيس جاساپ, 4 برەيك-پوينتتىڭ جارتىسىن پايدالاندى. قارسىلاسى 2 ەيس, 4 برەيككە (11 برەيك-پوينت) قول جەتكٸزدٸ.
م.ۆوندروۋشوۆا جٷلدە قورى 565 مىڭ اقش دوللارىنان اساتىن دودانىڭ شيرەك فينالىنا شىعۋ ٷشٸن رەيتينگتە 145-ساتىداعى ۋكراينالىق لەسيا تسۋرەنكومەن تالاسادى.
