Qazaqstannyń birinshi, álemniń 17-raketkasy Elena Rybakina Chikago (AQSh) WTA 500 týrniriniń úshinshi ainalymyna shyqty, dep habarlaidy QazAqparat.
Osy jarystyń 5-raketkasy bolyp tirkelgen E.Rybakina ekinshi ainalymda reitingte 106-orynda turǵan Belarýs ókili Aleksandra Sasnovichpen kezdesti.
Qazaqstandyq tennisshi 6:4, 6:4 esebimen jeńiske jetti.
Saǵat jarymǵa jýyq ýaqytqa sozylǵan báseke barysynda E.Rybakina 4 eis jasap, 7 breik-pointtyń úsheýin paidalana bildi. Qarsylasy 3 eis, 1 breikpen shekteldi.
E.Rybakina júlde qory 565 myń AQSh dollarynan asatyn dodanyń shirek finalyna shyǵý úshin álemniń 31-raketkasy, reseilik Veronika Kýdermetovamen talasady. Budan buryn E.Rybakina Ostrava týrnirinde V.Kýdermetovany utqan bolatyn.
