قازاقستاننىڭ بٸرٸنشٸ, ەلەمنٸڭ 17-راكەتكاسى ەلەنا رىباكينا چيكاگو (اقش) WTA 500 تۋرنيرٸنٸڭ ٷشٸنشٸ اينالىمىنا شىقتى, دەپ حابارلايدى قازاقپارات.
وسى جارىستىڭ 5-راكەتكاسى بولىپ تٸركەلگەن ە.رىباكينا ەكٸنشٸ اينالىمدا رەيتينگتە 106-ورىندا تۇرعان بەلارۋس ٶكٸلٸ الەكساندرا ساسنوۆيچپەن كەزدەستٸ.
قازاقستاندىق تەننيسشٸ 6:4, 6:4 ەسەبٸمەن جەڭٸسكە جەتتٸ.
ساعات جارىمعا جۋىق ۋاقىتقا سوزىلعان بەسەكە بارىسىندا ە.رىباكينا 4 ەيس جاساپ, 7 برەيك-پوينتتىڭ ٷشەۋٸن پايدالانا بٸلدٸ. قارسىلاسى 3 ەيس, 1 برەيكپەن شەكتەلدٸ.
ە.رىباكينا جٷلدە قورى 565 مىڭ اقش دوللارىنان اساتىن دودانىڭ شيرەك فينالىنا شىعۋ ٷشٸن ەلەمنٸڭ 31-راكەتكاسى, رەسەيلٸك ۆەرونيكا كۋدەرمەتوۆامەن تالاسادى. بۇدان بۇرىن ە.رىباكينا وستراۆا تۋرنيرٸندە ۆ.كۋدەرمەتوۆانى ۇتقان بولاتىن.
