Qazaqstannyń birinshi, álemniń 17-raketkasy Elena Rybakina Chikago WTA 500 týrniriniń shirek finalyna shyqty, dep habarlaidy QazAqparat.
Jarystyń besinshi raketkasy bolyp tirkelgen E.Rybakina úshinshi ainalymda dúniejúzilik reitingte 31-orynda turǵan reseilik Veronika Kýdermetovamen oinady.
Munyń aldynda Chehiianyń Ostrava qalasynda ótken osyndai dodada qazaqstandyq tennisshi qarsylasyn 6:1, 6:3 esebimen tize búktirgen bolatyn.
Bul joly match áldeqaida tartysty órbidi.
Birinshi partiia taǵdyry tai-breikte sheshilip, onda Rybakinanyń joly boldy – 7:6 (7:4).
Ekinshi sette esep 2:2 bolǵan mezette Elena breik jasaǵanymen, Kýdermetova sol boida qarymta qaiyrdy – 3:3. Esep 5:5 bolǵanda, Rybakina taǵy bir breikke qol jetkizdi – 6:5. Aqyry matchty jeńispen túiindedi – 7:5.
Eki saǵatqa jýyq ýaqytqa sozylǵan báseke barysynda qazaqstandyq tennisshi 9 eis jasap, 7 breik-pointtyń tórteýin múlt jibermedi. Qarsylasy 10 eispen birge 11 breik-pointtyń úsheýin ǵana paidalandy.
E.Rybakina júlde qory 565 myń AQSh dollarynan asatyn jarystyń jartylai finalyna shyǵý úshin álemniń 12-raketkasy, shveitsariialyq, Tokio Olimpiadasynyń chempiony Belinda Benchich nemese reitingte reitingte 53-satydaǵy chehiialyq Tereza Martintsovanyń bireýimen talasady.
