قازاقستاننىڭ بٸرٸنشٸ, ەلەمنٸڭ 17-راكەتكاسى ەلەنا رىباكينا چيكاگو WTA 500 تۋرنيرٸنٸڭ شيرەك فينالىنا شىقتى, دەپ حابارلايدى قازاقپارات.
جارىستىڭ بەسٸنشٸ راكەتكاسى بولىپ تٸركەلگەن ە.رىباكينا ٷشٸنشٸ اينالىمدا دٷنيەجٷزٸلٸك رەيتينگتە 31-ورىندا تۇرعان رەسەيلٸك ۆەرونيكا كۋدەرمەتوۆامەن وينادى.
مۇنىڭ الدىندا چەحييانىڭ وستراۆا قالاسىندا ٶتكەن وسىنداي دودادا قازاقستاندىق تەننيسشٸ قارسىلاسىن 6:1, 6:3 ەسەبٸمەن تٸزە بٷكتٸرگەن بولاتىن.
بۇل جولى ماتچ ەلدەقايدا تارتىستى ٶربٸدٸ.
بٸرٸنشٸ پارتييا تاعدىرى تاي-برەيكتە شەشٸلٸپ, وندا رىباكينانىڭ جولى بولدى – 7:6 (7:4).
ەكٸنشٸ سەتتە ەسەپ 2:2 بولعان مەزەتتە ەلەنا برەيك جاساعانىمەن, كۋدەرمەتوۆا سول بويدا قارىمتا قايىردى – 3:3. ەسەپ 5:5 بولعاندا, رىباكينا تاعى بٸر برەيككە قول جەتكٸزدٸ – 6:5. اقىرى ماتچتى جەڭٸسپەن تٷيٸندەدٸ – 7:5.
ەكٸ ساعاتقا جۋىق ۋاقىتقا سوزىلعان بەسەكە بارىسىندا قازاقستاندىق تەننيسشٸ 9 ەيس جاساپ, 7 برەيك-پوينتتىڭ تٶرتەۋٸن مٷلت جٸبەرمەدٸ. قارسىلاسى 10 ەيسپەن بٸرگە 11 برەيك-پوينتتىڭ ٷشەۋٸن عانا پايدالاندى.
ە.رىباكينا جٷلدە قورى 565 مىڭ اقش دوللارىنان اساتىن جارىستىڭ جارتىلاي فينالىنا شىعۋ ٷشٸن ەلەمنٸڭ 12-راكەتكاسى, شۆەيتسارييالىق, توكيو وليمپياداسىنىڭ چەمپيونى بەليندا بەنچيچ نەمەسە رەيتينگتە رەيتينگتە 53-ساتىداعى چەحييالىق تەرەزا مارتينتسوۆانىڭ بٸرەۋٸمەن تالاسادى.
