Amerikalyq, 17 jasar sportshy Amanda Anisimova «Rolan Garros» týrniriniń ótken jylǵy chempiony, álemniń 3-raketkasy, rýmyniialyq Simona Halepti utyp ketti, dep habarlaidy "Ult aqparat".
A.Anisimova dúniejúzilik reitingte 51-orynda tursa, kezinde 1-raketka retinde kósh bastaǵan S.Halep 2018 jylǵy finalda amerikalyq Sloan Stivensti utqan edi.
Soǵan qaramastan, búgin jas tennisshi ataqty qarsylasyn 6:2, 6:4 esebimen jeńdi.
Báseke bir saǵattan astam ýaqytqa sozyldy.
Amanda Anisimovanyń túbi reseilik, ata-anasy Reseiden AQSh-qa kóship barǵannan keiin 2001 jyly 31 tamyzda dúniege kelgen tennisshi.
Osylaisha aidy aspanǵa shyǵarǵan A.Anisimova jartylai finalda álemniń 8-raketkasy, aýstraliialyq Eshli Bartimen kezdesedi. Ekinshi jartylai finalda chehiialyq, 19 jasar Marketa Vondroýshova ulybritaniialyq Iohanna Kontamen kúsh synasady.
Bulardyń tórteýi de - buryn «Úlken dýlyǵa» týrnirinde jeńimpaz atanbaǵandar.
Biyl Frantsiia ashyq chempionatyna qatysqan Iýliia Pýtintseva men Elena Rybakina alǵashqy, Zarina Diias ekinshi ainalymnan asa almady. Sondai-aq erler arasynda Mihail Kýkýshkin bastapqy kezdesýinde-aq súrinse, Aleksandr Býblik úshinshi ainalymǵa óte almady. Esesine M.Kýkýshkin belgiialyq Ioran Fligenmen birge juptyq synda «Rolan Garrostyń» shirek finalyna deiin jetti.
Eske sala keteiik, budan buryn qazaqstandyq Aleksandr Nedovesovtiń Almaty týrniriniń shirek finalyna shyqqanyn, Iu.Pýtintsevanyń «Ai jańalyǵy» atalymy boiynsha úzdik úshtikke ilikkenin jazǵan bolatynbyz.
