امەريكالىق, 17 جاسار سپورتشى اماندا انيسيموۆا «رولان گارروس» تۋرنيرٸنٸڭ ٶتكەن جىلعى چەمپيونى, ەلەمنٸڭ 3-راكەتكاسى, رۋمىنييالىق سيمونا حالەپتٸ ۇتىپ كەتتٸ, دەپ حابارلايدى "ۇلت اقپارات".
ا.انيسيموۆا دٷنيەجٷزٸلٸك رەيتينگتە 51-ورىندا تۇرسا, كەزٸندە 1-راكەتكا رەتٸندە كٶش باستاعان س.حالەپ 2018 جىلعى فينالدا امەريكالىق سلوان ستيۆەنستٸ ۇتقان ەدٸ.
سوعان قاراماستان, بٷگٸن جاس تەننيسشٸ اتاقتى قارسىلاسىن 6:2, 6:4 ەسەبٸمەن جەڭدٸ.
بەسەكە بٸر ساعاتتان استام ۋاقىتقا سوزىلدى.
اماندا انيسيموۆانىڭ تٷبٸ رەسەيلٸك, اتا-اناسى رەسەيدەن اقش-قا كٶشٸپ بارعاننان كەيٸن 2001 جىلى 31 تامىزدا دٷنيەگە كەلگەن تەننيسشٸ.
وسىلايشا ايدى اسپانعا شىعارعان ا.انيسيموۆا جارتىلاي فينالدا ەلەمنٸڭ 8-راكەتكاسى, اۋسترالييالىق ەشلي بارتيمەن كەزدەسەدٸ. ەكٸنشٸ جارتىلاي فينالدا چەحييالىق, 19 جاسار ماركەتا ۆوندروۋشوۆا ۇلىبريتانييالىق يوحاننا كونتامەن كٷش سىناسادى.
بۇلاردىڭ تٶرتەۋٸ دە - بۇرىن «ٷلكەن دۋلىعا» تۋرنيرٸندە جەڭٸمپاز اتانباعاندار.
بيىل فرانتسييا اشىق چەمپيوناتىنا قاتىسقان يۋلييا پۋتينتسەۆا مەن ەلەنا رىباكينا العاشقى, زارينا ديياس ەكٸنشٸ اينالىمنان اسا المادى. سونداي-اق ەرلەر اراسىندا ميحايل كۋكۋشكين باستاپقى كەزدەسۋٸندە-اق سٷرٸنسە, الەكساندر بۋبليك ٷشٸنشٸ اينالىمعا ٶتە المادى. ەسەسٸنە م.كۋكۋشكين بەلگييالىق يوران فليگەنمەن بٸرگە جۇپتىق سىندا «رولان گارروستىڭ» شيرەك فينالىنا دەيٸن جەتتٸ.
ەسكە سالا كەتەيٸك, بۇدان بۇرىن قازاقستاندىق الەكساندر نەدوۆەسوۆتٸڭ الماتى تۋرنيرٸنٸڭ شيرەك فينالىنا شىققانىن, يۋ.پۋتينتسەۆانىڭ «اي جاڭالىعى» اتالىمى بويىنشا ٷزدٸك ٷشتٸككە ٸلٸككەنٸن جازعان بولاتىنبىز.
