Atyraý oblysyndaǵy Teńiz kenishinde taǵy 51 jumysshy koronavirýs infektsiiasyn juqtyrdy, dep habarlady Oblystyq densaýlyq saqtaý basqarmasy baspasóz qyzmeti.
Qaýipti indetke shaldyqqan naýqastar arasynda Atyraý qalasynan 1 adam bar. Naýqastardyń deni – 51 adam Teńiz kenishindegi merdiger mekemelerdiń jumysshylary ekeni anyqtalyp otyr. Onyń ishinde 11 naýqastan koronavirýstyń simptomdy túri tabylǵan.
«Ótken táýlikte koronavirýs infektsiiasynan 76 adam saýyǵyp shyqty. Qazir 345 adam úi jaǵdaiynda emdelýdi jalǵastyrýda. Oblystyq infektsiialyq statsionarda 73, al aýdandardaǵy statsionarlarda 23, Teńiz kenishindegi statsionarda 683 naýqas emdelip jatyr» -dep habarlady basqarmanyń baspasóz qyzmetinen.
Eske sala ketelik, budan buryn Atyraýda koronavirýs juqtyrǵandardyń deni – Teńiz kenishiniń jumysshylary ekenin habarlaǵan edik.
