اتىراۋ وبلىسىنداعى تەڭٸز كەنٸشٸندە تاعى 51 جۇمىسشى كوروناۆيرۋس ينفەكتسيياسىن جۇقتىردى, دەپ حابارلادى وبلىستىق دەنساۋلىق ساقتاۋ باسقارماسى باسپاسٶز قىزمەتٸ.
قاۋٸپتٸ ٸندەتكە شالدىققان ناۋقاستار اراسىندا اتىراۋ قالاسىنان 1 ادام بار. ناۋقاستاردىڭ دەنٸ – 51 ادام تەڭٸز كەنٸشٸندەگٸ مەردٸگەر مەكەمەلەردٸڭ جۇمىسشىلارى ەكەنٸ انىقتالىپ وتىر. ونىڭ ٸشٸندە 11 ناۋقاستان كوروناۆيرۋستىڭ سيمپتومدى تٷرٸ تابىلعان.
«ٶتكەن تەۋلٸكتە كوروناۆيرۋس ينفەكتسيياسىنان 76 ادام ساۋىعىپ شىقتى. قازٸر 345 ادام ٷي جاعدايىندا ەمدەلۋدٸ جالعاستىرۋدا. وبلىستىق ينفەكتسييالىق ستاتسيوناردا 73, ال اۋداندارداعى ستاتسيونارلاردا 23, تەڭٸز كەنٸشٸندەگٸ ستاتسيوناردا 683 ناۋقاس ەمدەلٸپ جاتىر» -دەپ حابارلادى باسقارمانىڭ باسپاسٶز قىزمەتٸنەن.
ەسكە سالا كەتەلٸك, بۇدان بۇرىن اتىراۋدا كوروناۆيرۋس جۇقتىرعانداردىڭ دەنٸ – تەڭٸز كەنٸشٸنٸڭ جۇمىسشىلارى ەكەنٸن حابارلاعان ەدٸك.
