Qazaqstan teńgesi sońǵy ýaqytta nyǵaiyp, aiyrbastaý oryndarynda AQSh dollarynyń satyp alý baǵamy 450 teńgeden tómendedi. Osyǵan bailanysty dollardyń 400 teńgege deiin arzandaýy múmkin be degen suraq týyndady, dep habarlaidy ult.kz.
Qazaqstandyq ekonomist Almas Chýkinniń pikirinshe, dollar baǵamynyń 400 teńgeden tómendeýi ekitalai.
Teńgeniń nyǵaiýyna birneshe faktor áser etip otyr. Olardyń qatarynda Ulttyq banktiń qatań aqsha-nesie saiasaty, munai baǵasynyń joǵary bolýy jáne syrtqy naryqtaǵy jaǵdai bar.
Ulttyq bank bazalyq mólsherleme men retteý tetikteri arqyly naryqtaǵy artyq ótimdilikti shektep otyr. Al munai baǵasynyń barreline 100 dollardan asýy Qazaqstan ekonomikasy men ulttyq valiýtaǵa qosymsha qoldaý kórsetýde. Buǵan qosa, kapitaldyń naryqqa kelýi de teńge baǵamyna oń áser etýde.
Alaida sarapshy qazirgi teńge baǵamyn tym joǵary dep baǵalaidy. Onyń aitýynsha, uzaq merzimdi perspektivada ulttyq valiýta birtindep álsireýi múmkin.
Buǵan memlekettik shyǵyndardyń artýy áser etedi. Aldaǵy ýaqytta Ulttyq qordan qarajat alý, iri infraqurylymdyq jáne qurylys jobalaryn belsendi júzege asyrý aqsha massasy men jalaqynyń ósýine ákelýi múmkin. Eger bul úderis tutyný taýarlary kóleminiń sáikesinshe artýymen qatar júrmese, infliatsiialyq qysym kúsheiedi.
Ekonomisttiń boljamynsha, aldaǵy bir jylda maýsymdyq aýytqýlardy eskergende, dollar baǵamy 470–490 teńge aralyǵynda turaqtanýy múmkin.
