Qazaqmys óndiristik infraqurylymdy jańǵyrtý jáne jumyskerlerdiń eńbek etýine jaily ári qaýipsiz jaǵdai jasaý baǵytyndaǵy júieli jumysyn jalǵastyrýda. 2026 jyly jalpy aýdany 1 326 sharshy metr bolatyn Qaraǵaily baiytý fabrikasynyń (QBF) jataqhanasy bar ákimshilik-turmystyq korpýsyn (ÁTK) keshendi jóndeýge 214,7 mln teńge baǵyttaldy.
Jóndeý jumysy 2026 jylǵy 2 shildede bastalyp, ǵimarattyń ishki bólmelerin, qasbetin, shatyryn, injenerlik júiesin jáne basqa da qurylymdyq elementterin jańartýdy qamtydy. Qazirgi kezeńde shatyr jabyny tolyq aýystyrylyp, shatyrdyń aǵash qurylymyna órtten jáne biologiialyq zaqymdanýdan qorǵaityn quram jaǵyldy. Sonymen qatar qasbet metall-saidingpen qaptalyp, terezeleri aýystyryldy. Ǵimarat ishinde ekinshi qabattaǵy bólmelerdiń ornalasýy ózgertilip, qabyrǵanyń, eden men tóbeniń eski árleýi alynyp tastaldy. Qabyrǵa sylanyp, syrlaýǵa daiyndaldy. Jýynatyn jáne sanitarlyq bólmelerde qabyrǵa men edenge plitka tóselip, bimetall radiatorlar ornatyldy.
Tamyz aiynda ǵimarattyń shatyryn jóndeý, terezelerin ornatý jumysy aiaqtalyp, qasbetin qaptaý bastaldy. Qazirgi tańda birinshi qabattaǵy bólmelerdiń ishki árleý, sondai-aq ǵimarattyń betondy jiegin ornatý jumysy júrip jatyr. Irgeles aýmaqty abattandyrý aiaqtaldy: baqylaý-ótkizý pýnktinen ákimshilik-turmystyq korpýsqa (ÁTK) deiingi joldyń asfalt jabyny jóndelip, qaita tóseldi. Jospar boiynsha jataqhanasy bar ÁTK-ny jóndeý jumysy jyl sońyna deiin aiaqtalady.
2026 jyly Qazaqmys eńbek jaǵdaiyn jaqsartýǵa jáne ákimshilik-turmystyq infraqurylymdy jańartýǵa 2,44 mlrd teńge baǵyttady. Qarajat ákimshilik-turmystyq korpýstardy, meditsinalyq pýnktterdi, jataqhanalardy, ashanalardy, jýynatyn bólmelerdi, zerthanalardy, sondai-aq basqa da nysandardy kúrdeli jáne aǵymdaǵy jóndeýge jumsaldy. Baǵdarlama kompaniianyń jumyskerler úshin zamanaýi, qaýipsiz ári jaily jaǵdai jasaýǵa, sondai-aq áleýmettik jáne óndiristik infraqurylymdy júieli túrde jańartýǵa baǵyttalǵan keshendi jumysynyń bir bóligi bolyp tabylady.
Anyqtama úshin: Qaraǵaily baiytý fabrikasy «Qaragayly Tau-ken ondirisi» filialynyń quramyna kiredi jáne Abyz, Aqbastaý jáne Qajyqonǵan ken oryndarynyń polimetall kenin óńdeidi. Kásiporynnyń óndiristik qýaty jylyna 1,4 mln tonna kendi quraidy. Negizgi ónimderi – mys jáne pirit kontsentraty.
